Dr. Robert Malone, vísindamaðurinn sem fann upp mRNA bóluefnatæknina steig fram í viðtali við Del Bigtree í júní síðastliðnum þar sem hann greindi frá því að mRNA tæknin henti ekki til lækninga gegn Covid-19 vírusnum og bóluefnið geti skapað meiri hættu sérstaklega fyrir ungt og hraust fólk. mRNA tæknin hafi ekki verið fundin upp gegn Covid-19 heldur hafi verið prófuð sem genabreytandi tilraun við vissri tegund krabbameins með því að sprauta genum inn í frumur á músum til að framleiða prótein sem átti að gagnast sjúkdómnum. Sú tilraun hafi misheppnast og þeir hafi í raun rekist á vegg í þeim rannsóknum, því eftir u.þ.b þrjár vikur hætti próteinið að dreifa sér og ónæmiskerfið byrjaði að bregðast við eins og um árás væri að ræða.

Robert Malone, sem einnig er lyflæknir og rannsakandi smitsjúkdóma, sagði í viðtali við Steve Bannon að Covid-19 sýkingar gætu í raun versnað á meðal þeirra sem hafa fengið Pfizer og Moderna bóluefnin sem notast við mRNA tæknina og það þurfi að stoppa bólusetningaherferðina nú þegar.

Hann segir að bóluefnin séu enn einungis á neyðarleyfi og eru ekki með skilyrt markaðsleyfi eins og haldið hefur verið fram. Malone hefur áhyggjur af því að embættismenn sem starfa við lýðheilsu og eins lyfjafyrirtæki fái háar fjárhæðir í styrki til að auglýsa efnið og halda því fram að það sé öruggt en svo sé ekki.

„Þetta er stórslys," sagði Bannon við gest sinn. „Þið heyrið þetta frá einstaklingi sem fann upp mRNA tæknina og hefur helgað líf sitt bóluefnum, hann er andstæðan við "anti-vaxxer.“

Malone hefur valdið töluverðu fjaðrafoki í heimalandi sínu og víðar, en það ætti ekki að koma á óvart að hann lendi í árásum þar sem miklir fjármunir eru í húfi fyrir marga og nú þegar hefur verið reynt að kalla hann "anti-vaxer" sem er oft notað sem skammaryrði yfir þá sem að hafa aðra skoðun eða sýna önnur sjónarhorn á covid bóluefnunum en stjórnvöld, FDA of WHO gera.

Malone minnist einnig á Bill Gates sjóðinn sem fjármagnar bóluefnaherferðina. Malone segist aldrei hafa séð neitt þessu líkt og að upplýsingum sé markvisst haldið frá fólki í þeim tilgangi að stjórna því og hegðun þeirra.

Malone er nú að lenda í svokölluðum "cancel culture" eða útilokunarmenningu fyrir að stíga fram með þessar upplýsingar og hefur til að mynda Wikipedia fjarlægt allar upplýsingar um vísindamanninn og afrek hans í gegnum tíðina.