Málverk af Jesú eftir undrabarn endurheimtist eftir 16 ár í myrkrinu

frettinErlentLeave a Comment

Undrabarnið Akiane Kramarik frá Chicago gat sér gott orð í listaheiminum aðeins átta ára gömul þegar málverk hennar af Jesú Kristi varð heimsfrægt.

Jesús Kristur byrjaði að birtast Akiönu í draumum þegar hún var þriggja ára og ákvað hún að mála mynd af honum. Myndir Akiönu eru undraverk eitt en þær líkjast meira ljósmynd en málverki. Akiana hefur líka málað myndir af himnaríki sem einnig hefur birst henni í draumi og eru litirnir magnaðir. Blái liturinn virðist spila stórt hlutverk í himnaríki og mikið er um sterka bjarta liti.

Akiana hlaut ekki trúarlegt uppeldi en þegar hún fór að sjá þessar sýnir í draumum sínum og mála eftir þeim, þá snérust foreldrar hennar til trúar. Fjölskyldan var mjög fátæk og til að byrja með höfðu foreldar hennar ekki efni á blýöntum og málningu og notaði hún þá ýmis efni til að bjarga sér eins og kol og tómata. Í dag hefur Akiana selt málverk sín fyrir margar milljónir dollara og segist vera rétt að byrja.

Þessu frægasta verki Akönu af frelsaranum Jesú Kristi var aftur á móti stolið af listasafni en fannst mörgum árum síðar, það hafði ranglega verið  selt  fjölskyldu sem ekki vildi skila því og hafði verið geymt í mörg ár undir stiga í gömlum kjallara og síðan í skjalasafni eftir andlát kaupandans. Akiönu tókst þó eftir 17 ára baráttu með aðstoð dómstóla að endurheimta verkið. Það var fremur illa farið og allt þakið iðnaðarsagi en Akiana náði að hreinsa það með snilld sinni. Það merkilega er að það eru skrámur á enninu eftir sagið eins og eftir þyrnikrónuna sem Jésu bar á höfðinu við krossfestinguna og því kraftaverki líkast.

Guðdómleg tímasetning og óvænt jólagjöf að endurheimta málverkið úr myrkrinu eftir 17 ár. Þetta er hreint ótrúlegt fyrir mig og algert kraftaverk að fá það aftur í ljósið eftir svo mörg ár," segir Akíana.

Akiana segist ætla að eiga verkið, það verði geymt á listasafni og sé ekki til sölu en þúsundir eftirprentana hafa verið seldar af verkinu og hægt að versla hér í ýmsum stærðum.

Viðtal við Akiönu um endurfundinn má sjá hér að neðan.



Image
Image
Image
Image
Image
Image
Image

Skildu eftir svar

Netfang þitt verður ekki birt.