Samkvæmt áreiðanlegum heimildum Fréttarinnar var þáttastjórnandinn Edda Falak púuð niður af sviði þar sen hún var með kynningu í Menntaskólanum við Sund í byrjun mánaðarins.

Forvarnardagur var haldinn í skólanum þann 6. október síðastliðinn samkvæmt tilkynningu frá skólanum og segir þar orðrétt:

"Menntaskólinn Við Sund tekur þátt í Forvarnardeginum 6. október 2021. Þema Forvarnardagsins þetta árið verður andleg líðan ungmenna. Áhersla er lögð á mikilvægi þess að auka seiglu til að takast á við áskoranir í þeirra lífi, eins og of lítinn svefn, orkudrykki og nikótínvörur."

Edda Falak var ein þeirra sem var á mælendaskrá, en fljótlega breyttist kynning hennar á sem átti að fjalla um kvennfyrirlitningu og fordóma, yfir í persónulegar árásir gegn Reyni Bergmann eiganda veitingastaðarins Vefjunnar.  Edda hvatti nemendur til að sniðganga Vefjuna og versla þar ekki vegna ásakana um meint brot Reynis fyrir um 14 árum síðan. Vefjan er til húsa á móti menntaskólanum og fá nemendur afslátt þar.

Fréttin hefur einnig upplýsingar um að konan sem ásakar Reyni hafi hringt í styrktaraðila Vefjunnar til að biðja um að staðurinn yrði sniðgenginn vegna meints brots sem aldrei hefur verið kært til lögreglu.

Þessar persónuárásir og atvinnurógur fóru ekki vel í nemendur og endaði með því að Edda uppskar mikla vanþóknun og var púuð niður af salnum og þar með lauk hennar kynningu sem virðist algerlega hafa farið úr böndunum.

Edda hefur farið mikinn í umræðunni en athyglina hefur hún aðallega fengið út á ásakanir og eineltismenningu sem mörgum hugnast ekki. Edda hefur verið nokkurs konar yfirdómari hjá dómstóli götunnar og virðist hunsa meginreglu rétttaríkissins, að allir eru saklausir uns sekt er sönnuð.

Edda og fylgjendur hennar virðast ekki taka þá grundvallarreglu til greina og segja mætti að þær aðhyllist ekki starfandi rétttarkerfi, heldur frekar að dómstóll götunnar taki að sér það verk.  Spyrja má hvort konurnar vilji að gapastokkurinn frá miðöldum verði tekinn upp á ný og réttarríkið lagt niður?

Fréttin hefur verið uppfærð:

Edda sendi Fréttinni skilaboð og segist ekki hafa verið með kynningu heldur að draga úr vinningspotti og ekki verið með atvinnuróg. Fréttin bauðst til að uppfæra fréttina og vildi ræða nánar við hana símleiðis en því boði hefur ekki verið svarað.