Rannsóknargreinin sem birtist í vísindaritinu Current Problems in Cardiology í byrjun október var tekin úr birtingu nokkrum dögum síðar af ritstjórn án skýringar. Greinin sjálf hefur verið fjarlægð en fyrirsögnin ein stendur eftir:
"TEMPORARY REMOVAL: A Report on Myocarditis Adverse Events in the U.S. Vaccine Adverse Events Reporting System (VAERS) in Association with COVID-19 Injectable Biological Products"
Sem betur fer má enn finna afrit af rannsóknargreininni hjá webarchive.org
Í samantekt greinarinnar koma fram sláandi upplýsingar, meðal annars að hjá bólusettum 12-15 ára drengjum sé hjartabólga nítján sinnum algengari en hjá óbólusettum jafningjum þeirra. Þessi aukaverkun bóluefnana sé margfalt algengari hjá drengjum en stúlkum og tíðari eftir því sem aldur þeirra er lægri. Einnig kemur fram að 15 ára drengjum sé fimmfalt hættara við hjartabólgu við aðra sprautu en þá fyrstu. Niðurstöðurnar byggja á VAERS gagnagrunni CDC og FDA í Bandaríkjunum sem safnað hefur tilkynningum um aukaverkanir bóluefna síðan 1990.
Nefna má að annar höfundur greinarinnar er hjartalæknirinn Dr. Peter A. McCullough en eftir hann liggja hundruð birtra fræðigreina.
Það er líklega bara tilviljun, en fáeinum dögum eftir að ritstjórn vísindaritsins Current Problems in Cardiology fjarlægði umrædda rannsóknargrein um hjartabólgur hjá börnum af völdum bóluefna, komst sérfræðingahópur á vegum FDA að þeirri niðurstöðu að ekkert mælti gegn því að bólusetja 5-11 ára börn með Pfizer bóluefninu. Venjan er að FDA fari að ráðum slíkra hópa og má reikna með að leyfi verið gefið út fljótlega.