Valgerður Kristjánsdóttir skrifaði í gær færslu á facebook síðu Guðmundar Karls læknis sem barist hefur fyrir því að lyfið Ivermectin verði leyft á Íslandi sem meðferð við Covid-19 en lyfið hefur samkvæmt mörgum ítarlegum rannsóknum gefið góða raun erlendis og náðst hefur t.d að útrýma sjúkdómnum í hundruð milljóna manna héraði í Indlandi eftir að stjórnvöld þar heimiluðu að ávísa lyfinu.  

Valgerður hafði orð á því að eftir að hafa byrjað að taka lyfið hefði hún læknast af sykursýki sem hún hefur glímt við í áraraðir og einnig segist hún ekki lengur finna fyrir slit- og vefjagigt sem hefur hrjáð hana í mörg ár.  Valgerður byrjaði að taka Ivermectin eftir að heyra að það gagnist vel sem fyrirbyggjandi við Covid-19 sjúkdómnum.

Fréttin hafði samband við Valgerði og spurði hana út í málið og sagði hún frá því hvernig lyfið hefur læknað hana af hinum ýmsu kvillum. "Ég var með bólgur í lungunum vegna myglu í húsnæði sem ég leigði og gat ekki borðað en eftir að hafa tekið þrjár töflur varð ég svöng. Ég fór að geta borðað án þess þó að bæta  á mig kílóum en á þeim tíma sem ég gat ekki borðað missti ég 40 kíló. Í framhaldi af því hvarf sykursýkin og núna er gigtin farin svo ég held tilraun minni bara áfram" segir Valgerður. 

Valgerður fær nú Ivermectin uppáskrifað hjá lækni þar sem lyfið hefur gert kraftaverk fyrir hana, en Ivermectin hefur reyndar verið kallað kraftaverkalyfið og uppfinningamaður þess, japanski vísindamaðurinn Satoshi Omura, hlaut Nóbelsverðlaun árið 2015 fyrir vísindi sín. Lyfið hefur verið notað á yfir fjóra milljarða manna frá árinu 1987 og bjargað fjölda mannslífa.

Lyfið er auk þess nánast aukaverkanalaust, en verkjalyfið Panodil mælist með meiri aukaverkanir en Ivermectin og því óskiljanlegt að yfirmaður smitsjúkdóma neiti að nota lyfið gegn Covid-19 eða í það minnsta prófa það þar sem engin áhætta fylgir notkun þess. Þar að auki er Ivermectin mjög ódýrt lyf sem reyndar hefur verðið hækkað upp úr öllu valdi eftir að virkni þess gegn Covid-19 uppgötvaðist en pakkinn af því kostaði áður um 250 kr. en í dag kostar hann 40.000 kr. sem gefur til kynna að yfirvöld reyni ýmislegt til að gera fólki erfitt fyrir að nota lyfið.

Uppfært: Ivermectin heldur áfram að gagnast vel gegn Covid-19 í Indlandi. Nú hefur Bihar héraðið bæst í hóp Covidlausra héraða en það er þriðja stærsta hérað Indlands, með yfir 120 milljónir íbúa. Sjá twitter færslu hér að neðan frá því í gær.