CO2 heildarlosun Íslands er á heimsvísu 0.00014% – Hvað eru Íslendingar að þykjast?

frettinPistlar

Fréttin fékk leyfi frá Karli Gunnlaugsyni til að birta þennan pistil hans um hversu glórulaus stefna Íslendinga í loftslagsmálum er og hversu mikil hræsni einkennir málaflokkinn.

Karl skrifar:

Þessi loftslags umræða á Íslandi er komin í svo mikið rugl að það nær engu tali. CO2 heildar losun Íslands er á heimsvísu 0.00014% þar af er "einkabíllinn" á Íslandi ábyrgur fyrir um 6% CO2 losunar landsins, 6% af 0.00014% það er 0.000084% á heimsvísu eigum við að ræða þessa vitleysu eitthvað frekar?

Þessi umræða jaðrar við geðveiki og það þarf að skoða þetta öfgafólk sem djöflast áfram eins og að við getum með skertum lífskjörum breytt þessu ástandi.

5 stærstu lönd heims eru ábyrg fyrir 70.9% CO2 losunar og það þarf ekki mikla greind til að gera sér grein fyrir því að við Íslendingar getum engu þar breytt þótt svo við myndum drepa á öllum tólum og tækjum á landinu sem losa CO2.

Ísland getur einna helst hjálpað til með því að setja hér upp alþjóðlegt menntasetur í jarðvarma og vatnsafls fræðum og hjálpað þannig til með útbreiðslu þekkingar til að nýta græna orkumöguleika.

Hvort meðal jóninn á Íslandi keyri bensín eða dísel bíl, taki strætó, hjóli í vinnuna að aki rafmagnsbíl breytir engu og það er staðreynd.

Við þetta má bæta að íslensk stjórnvöld áforma að eyða á næstu árum tugum milljarða í málaflokkinn og leggja á kolefnaskatt sem bitnar fyrst og fremst á kjörum almennings. En aldrei hefur þjóðin verið spurð hvort hún hafi áhuga á að taka þátt í þessu leikhúsi fáránleikans, en málið er það stórt að eðlilegt væri að halda þjóðaratkvæðagreiðslu.

Þá fór í morgun 50 manna sendinefnd á vegum íslenska ríkissins á lofstlagsráðstefnuna í Glasgow. Fjöldinn miðað við höfðatölu,  þýddi að 55  þúsund manna sendinefnd færi frá Bandaríkjunum.

Hér má sjá annað dæmi um þennan stjarnfræðilega háa kostnað sem lendir á Vesturlöndum og Ísland tekur fullan þátt í. En þess má geta að Ísland notar 90% græna orku, þ.e jarðhitaorku til upphitunar og er landið nú þegar fyrirmynd á heimsvísu í þessum málum. Því er óþarfi að vera með einhverja sýndarmennsku í þessum málum með tilheyrandi útgjöldum fyrir skattgreiðendur og án þess að þjóðin hafi verið spurð, hvaða réttlæti er í því?