Aukinn stuðningur á Íslandi við nasíska aðskilnaðarstefnu gegn óbólusettum

frettinPistlar

Það er óhætt að segja að þörf sé á að hafa áhyggjur af þeirri samfélagslegri þróun sem er að eiga sér stað á meðal bólusettra gegn þeim óbólusettu víða um heim og hefur stuðningurinn augljóslega aukist, einnig á meðal Íslendinga. Menn eru ekki feimnir við að setja fram þær skoðanir sínar að útiloka eigi fólk sem hefur valið að þiggja ekki bóluefni sem enn eru á tilraunastigi eða þá sem ekki mega fá efnið af læknisfræðilegum ástæðum.

Sigurður Kolbeinsson þáttastjórnandi hjá Hringbraut er einn þeirra sem fer mikinn á facebook síðu sinni og segist styðja aðskilnaðarstefnu og útiloka eigi óbólusetta frá samfélaginu og ekki eigi að veita þeim aðgang að almenningsstöðum.

Sigurður segir: ,,Eigum við hin 90% að verja þetta ástand endalaust? Ég segi ,,nei”. Við eigum að útiloka þetta fólk frá fjöldanum eins og Austurríkismenn, Danir og fleiri þjóðir gera í vaxandi mæli þar til þau láta til leiðast. Meina þeim aðgang að öllum samkomustöðum og tryggja þannig áhættuminna samfélag gagnvart vágestinum Corona.  Smithætta meðal þessa fólks er jú mun meiri enda hefur það margoft komið fram sjá ,,Sóttólfi” og öðrum kollegum hans. Það er nóg komið af því að þola sérvisku þessa hóps íslenskra karla og kvenna."

Þess ber að geta að nýlega greindi fréttin frá því að hópsmit hafi greinst hjá ,,fullbólusettum kór" í Þýskalandi þar sem a.m.k. 24 smituðust. Þá þurfti hafnarboltaliðið UC Berkleyaflýsa leik vegna fjöldasmits í leikmannahópnum en 99% leikmanna eru fullbólusettir. Fjölda tónleika hefur líka verið aflýst þar sem frægar bólusettar stjörnur smituðust hver á fætur annari. Slíkar fréttir eru farnar að berast víða af fullbólusettum einstaklingum og eins þekkjum við það hér á landi að mikið er um smit meðal bólusettra. Því er skiljanlegt að það séu vonbrigði fyrir þá bólusettu en óþarfi er að kenna óbólusettum um það klúður.

Í morgun birtist frétt um ástandið í Noregi á norska ríkismiðlinum (NRK) en samkvæmt nýjustu tölum þar í landi er meirihluti andláta meðal fullbólusettra einstaklinga

Verður því að spyrjast hvað veldur því að Þórólfur sóttvarnarlæknir okkar Íslendinga fari með rangar upplýsingar þar sem hann elur á andúð gegn minnihlutahóp sem veldur ótta og úlfúð á meðal fólks.  Nánast daglega berast fréttir af Íslendingum sem hlynntir eru aðskilnaðarstefnu og í kommentakerfum samfélagsmiðlana má sjá rísandi stuðning við þessa stórhættulegu hugmyndafræði sem ávallt hefur endað með skelfingu.

Þess má geta að aðstoðarmaður Landlæknis, Kjartan Hreinn Njálsson, gaf út yfirlýsingu nýlega þar sem hann fullyrðir að Covid faraldurinn sé ekki drifinn áfram af óbólusettum og að við eigum ekki að gera þá sem annað hvort geta ekki fengið bólusetningu eða vilja hana ekki, að blórabögglum.

Það verður svo að teljast merkilegt að þeir bólusettu virðast vera hræddasta fólkið í samfélaginu, sem tilbúið er að víkja öllum mannréttindum til hliðar og taka upp  aðskilnaðarstefnu í þeirri von um að vernda sjálfan sig. Treystir þetta fólk ekkert á umrædd bóluefni sem í upphafi var lofað að ættu að veita mikla vörn og leiða til hjarðónæmis?

Þar að auki hefur komið fram að bólusettir smita ekki síður og geta smitað margfalt út frá sér samkvæmt Má Kristjánssyni yfirmanni sóttvarnardeildar LSH. Þá hefur einnig komið fram hjá spítalanum að náttúrulegt mótefni veiti betri vörn en bólusetning og því með ólíkindum að þeir bólusettu skuli vilja útskúfa þá sem að treysta á sitt náttúrulega ónæmiskerfi. Samkvæmt lögum um sjúklinga hér á landi má ekki þvinga neinn í lyfjameðferðir.

Nýlega steig fram prófessor í veirufræðum sem segir að bólusettir séu búnir að missa allt mótefni eftir fjóra og hálfan mánuð og bóluefnin séu í raun að valda mun meiri skaða en hitt. Þá er líka varla hægt að kalla eitthvað bóluefni sem ekki veitir meiri vörn en raun ber vitni.

Um helgina birti Fréttablaðið pistil eftir ritstjóra sinn Sigmund Erni Rúnarsson og ber yfirskriftina Herkvíin.  Þar talar Sigmundur með sama hætti og spyr sig hvort ekki sé kominn tími til að skerða frelsi óbólusettra. En eins og flestir vita þá heyra Fréttablaðið og Hringbraut undir sömu eigendur og verður að spyrjast hvort fasismi sé nýja ritstjórnarstefnan hjá miðlinum? Í febrúrar sl. var tekið viðtal við Guðrúnu Bergmann sem sýna átti í þættinum, Undir yfirborðið á Hringbraut. Þátturinn sem var rúmlega klukkustunda langur og fjallaði meðal annars um hin mislukkuðu bóluefni, var aldrei sýndur. Hvers vegna ekki?

Þá birti DV falsfrétt sem einungis er til þess fallin að ala á andúð gegn óbólusettum, en þar er fullyrt að sárþjáður drengur komist ekki í aðgerð vegna óbólusettra. Haft var samband við Má Kristjánsson vegna málsins sem sagði að þetta væri ekki frá honum komið.

Á hvaða braut eru kollegar okkar hjá þessum fréttamiðlum komnir þegar andstæðan við lýðræðið er orðin að tískubylgju og mönnum þykir ekkert eðlilegra en að lítill minnihlutahópur sé útskúfaður úr samfélaginu. Við vitum að ofbeldi fylgir ávalt slíkum ofsóknum sem byrja með þessum hætti.

Þá ber einnig að geta þess að mótmæli hafa staðið yfir vikum saman gegn þessari nasistabylgju, sem helstu fjölmiðlar minnast aldrei á, og drifin er af stjórnvöldum víða um heim. Má þar nefna  SvissAusturríki, Bretland, Ástralíu, Ítalíu og Bandaríkin en meðal mótmælenda í Bandaríkjunum eru lögreglumenn og almennir borgarstarfsmenn. Nokkuð ljóst er að fólk mun ekki sitja þegjandi og hljóðalaust yfir þessu ofbeldi og rísandi fasisma sem er á uppleið víða um heim.

Það verður að segjast að Íslendingar eru komnir á hættulega braut þegar almenningur er farinn að fagna og upphefja fasíska hugmyndafræði sem ávallt hefur endað með skelfingu, en nærtækasta dæmið eru útrýmingabúðir nasista og aðskilnaðarstefnan gegn gyðingum.

Skjáskot um efnið má sjá hér að neðan.


ImageImageImageImageImage