Eftirfarandi pistill eru vangaveltur lögmanns hér á landi sem kýs nafnleynd. Hann veltir fyrir sér næstu mögulegu skrefum í heimsmálum varðandi lög og reglur í tengslum við vaxandi mótmæli í heiminum.
Munu herlög verða sett á?
Þegar mótmælagöngur verða of margar og of stórar, munu yfirvöld geta sett á herlög. Það eru aðeins fáeinar aðstæður sem geta leyft að herlög verði sett á, þar á meðal er borgaraleg óhlýðni. Þeim mun meiri og fjölmennari mótmæli, þeim mun meiri líkur eru á því að herlög verði sett á. Þrátt fyrir gríðarlega borgaralega óreiðu og óeirðir í Black Lives Matter bylgjunni, þar sem eignaspjöll voru gríðarleg og mjög margir létu lífið voru ekki sett á herlög. Hvers vegna var það ekki gert þá? Og hvers vegna telja margir að það standi til að gera það núna?
Margir telja að beðið sé eftir því að borgaraleg óhlýðni verði svo útbreidd um heiminn að hægt verið að setja herlögin á í flestum stóru löndum heimsins á sama tíma. Planið er að það verði ekki lengur nein frjáls lönd til að flýja til og að það verði enginn eftir sem geti komið til hjálpar. Þannig verði hægt að koma á hinu nýja heimsskipulagi, New World Order.
Fyrst verður að taka frá okkur öll lög og réttindi sem hafa verndað okkur hingað til. Þessi lög eru okkar eina leið út úr núverandi hremmingum. Hér erum við að tala um mannréttindalög eins og Mannréttindasáttmála Evrópu og Alþjóðasamnings um borgaraleg og stjórnmálaleg réttindi, Nuremberg Code og Magna Carta. Þessi lög voru gerð til að vernda okkur. Og þau hafa verið brotin í óteljandi skipti undanfarið eitt og hálft ár af stjórnvöldum víða um heim sér í lagi í hinum vestræna heimi þar sem mannréttindavernd byggir á fyrrgreindum sáttmálum.
Afleiðingarnar við að brjóta þessi lög eru harðar refsingar og er ein af refsingunum við að brjóta Nuremberg Code, dauðarefsing.
Nuremberg Code bannar með öllu að neyða fólk til að taka þátt í tilraunum með lyf. Þessi lög hafa verið þverbrotin aftur og aftur, með því að neyða fólk með beinum og óbeinum hætti til að taka inn lyf á tilraunastigi sem kölluð eru bóluefni við Covid-19. Lyf sem milljónir manna hafa verið neyddir til að taka þrátt fyrir að lyfin séu neyðarleyfum og algjörlega óprófuð við bæði langtíma og skammtíma afleiðingum.
Í þessu efni verður heldur ekki komist hjá því að nefna, að Pfizer gekk svo langt að svindla í prófunum á mRNA bóluefnunum sínum og földu fjölmargar alvarlegar afleiðingar sem komu í ljós í prófunum þeirra á efnunum. Þessi efni hafa stjórnvöld heimsins neytt borgara sína til að taka, en missa ella lífsviðurværi sitt og rétt til að taka þátt í mannlegu samfélagi. Nuremberg Code er skýr með afleiðingar slíkra brota. Og nú stendur til að ganga enn lengra og setja á algjöra bólusetningarskyldu um allan hinn vestræna heim. Um er að ræða fordæmalausa tilraun á mannfólki.
Með herlögum væri hins vegar hægt að ógilda öll fyrrgreind lög. Þar með fengju herir ótakmarkaðar heimildir til að búa til lög og framfylgja lögum. Þannig gætu þeir og myndu setja ný lög án samþykkis nokkurs manns. Öll lög og reglur sem vernda borgarana gegn ofríki yfirvalda væru þurrkuð út í einu vetfangi. Og þar með væru um leið allir hefðbundnir dómstólar úr sögunni. Þar með talið Mannréttindadómstóll Evrópu og Sameinuðu Þjóðanna. Það þýðir um leið að málsóknir eins og sú sem Reiner Fuellmich stendur fyrir væru úr sögunni. Lögin sem málsóknirnar byggja á væru úr sögunni. Dómstólarnir sem eiga að dæma eftir lögunum væru úr sögunni. Eftir stæðu borgararnir fullkomlega óvarðir og hin nýju „stjórnvöld“ gætu farið með borgarana nákvæmlega eins og þeim lystir. Sprautað borgarana með hverju sem þeim lystir og jafn oft og þeim lystir. Gert hvað sem þeim lystir gegn borgurunum, án nokkurra afleiðinga.
Þessi réttindi, sem við fengum og verja okkur í dag gegn slíkum hörmungum tók árþúsundir að berjast fyrir. Um leið og þau réttindi eru farin fáum við þau ekki aftur.
Það sem fólk í mörgum löndum hins vestræna heims er að gera í dag til að berjast gegn því ofríki sem okkur er sýnt, er því nákvæmlega það sem við ættum ekki að gera. Þ.e. að safnast saman í stórar mannmergðir. Þeim mun fleiri sem þær verða, jafnvel þó friðsamar séu, færir yfirvöld nær því sem margir eru farnir að telja að sé næsta markmið: að koma á herlögum á grundvelli meintra óeirða og ólöglegra uppreisna borgaranna.
Hvað ættum við því að gera?
Það er stóra spurningin. Í stað þess ættum við öll að óhlýðnast almennum fyrirmælum í daglegu lífi. Þeim fyrirmælum sem okkur er gert að hlýða í sívaxandi mæli í öllu okkar lífi. Við höfum enn réttinn til að segja nei og margir hafa nýtt sér þann rétt þó það hafi kostað það fólk lífsviðurværið. Margir læknar hafa neitað að hlýða, óháð afleiðingunum. Það er betra að missa vinnuna núna með því að neita, en að halda vinnunni inn í heim þar sem hún verður einskis virði hvort eð er. Og fjöldamörg okkar munu ekki hafa neina atvinnu hvort eð er. Þannig að ef við neitum bara að hlýða þeirra fyrirmælum, óháð afleiðingunum fyrir okkur sjálf, munu þeir missa vald sitt yfir okkur. Því allt þeirra vald yfir okkur byggir á því að við hlýðum þeim.
Það erum við sjálf, sem munum gefa yfirvöldum heimsins möguleikann á því að taka af okkur öll grundvallarréttindi ef við heyjum baráttu okkar á rangan hátt. Ef við heyjum hana á réttan hátt mun réttarkerfi okkar hins vegar sigra að lokum.
Hinir ábyrgu munu að lokum verða dregnir til ábyrgðar á grundvelli mannréttindareglna og þá sérstaklega Nuremberg Code, ef við gefum þeim ekki færi á að afnema þær reglur. Það er augljóst að það er þeirra næsta markmið. Markmið sem þeir augljóslega verða að ná. Markmið sem þeir ætla sér að ná. Valdið er hins vegar enn hjá okkur. En núna er hins vegar komið að ögurstundu. Við römbum á barmi þess að herlögum verði komið á í stórum hluta heimsins. Ef af því verður, þá er baráttan töpuð. Venjulegt fólk verður að fara að gera sér grein fyrir því hvað það þýðir.