Þrátt fyrir hörmulega mislukkuð ,,bóluefni" þar sem fullbólusettir eru að smita þríbólusetta því þeir þurfa ekki reglum samkvæmt að fara í sóttkví við komuna til landsins,( sbr. eldri mann sem nú liggur á spítala eftir að hafa smitast af bólusettum ættingja sem ferðaðist til Afríku), þá láta menn enn eins og þessi bóluefni verji fólk gegn smiti og veikindum.

Nú ætlar sóttvarnarlæknir að leggja til að börnum undir 16 ára aldri verið mismunað eftir bólusetningastöðu.  Þetta eru nýjustu minnispunktar hans:

1. Und­an­skilja þá sem fengið hafa örvun­ar­skammt frá fjölda­tak­mörk­um og hraðgrein­inga-eða PCR próf­um fyr­ir viðburði.
2. End­ur­skoða sótt­kví­ar­regl­ur fyr­ir þá sem fengið hafa örvun­ar­skammt.
3. Und­an­skilja börn yngri en 16 ára sem fengið hafa grunn­bólu­setn­ingu (tvo skammta) frá fjölda­tak­mörk­un­um og hraðgrein­inga-eða PCR próf­um fyr­ir viðburði.
4. End­ur­skoða regl­ur um sótt­kví fyr­ir fullbólu­sett börn.

   Það á sem sagt að loka óbólusett börn sem smita ekki meira en bólusett inni lengur en hin og þannig að þvinga fleiri foreldra til að bólusetja börn sín með bóluefni sem FDA í Bandaríkjunum veitti neyðarleyfi þrátt fyrir að vitað hafi verið hversu skaðlegt það væri. Og ,,verðlauna" skal börn sem taka þátt í lyfjatilraunum með því að undanskilja þau frá fjöldasamkomum.

   Vísindin segja i dag að bólusettir smiti meira en óbólusettir en sóttvarnarlæknir lætur eins og hann viti ekkert um nýjustu rannsóknir og heldur áfram að lokka fólk, þar á meðal börn til að taka inn áhættusamt bóluefni við smitsótt sem er að verða að engu. Þeir sem aðallega liggja á spítala þessa dagana eru veikir eftir örvunarskammta.

   Eins á að lokka fólk til að taka örvunarskammtinn með því að lofa því meira frelsi. Hljómar eins og rispuð grammófónsplata.  Hópsmit sem varð nýlega í bólusettu vinnustaðasamkvæmi í Osló sýnir hversu slappt bóluefnið er og  hraðprófin gagnslaus, eða hópsmitið hjá  bólusettum kvennakór Léttsveitar Reykjavíkur eða á bólusettu skemmtiferðskipinu Norwegian Cruise Line.