Á vefnum island.is hefur verið stofnað til undirskriftasöfnunar til að mótmæla fyrirhuguðum ætlunum sóttvarnaryfirvalda hér á landi að sprauta börn með efnum sem enn eru á tilraunastigi og hafa því aðeins fengið neyðarleyfi. Þá liggja ekki fyrir langtímarannsóknir um áhrif þessarar lyfjagjafar á börn. Þá séu börn ekki í áhættuhópi og því sé engin vísindalegur grundvöllur til staðar.

Á forsíðu undirskriftasöfnunarinnar segir m.a.:

BÖRN ERU EKKI Í ÁHÆTTUHÓP vegna Covid og því teljum við engan vísindalegan grundvöll fyrir að sprauta þau með efnum sem enn eru á tilraunastigi og hafa því aðeins fengið neyðarleyfi. Engar langtímarannsóknir liggja fyrir um áhrif þessarar lyfjagjafar á börn. Það er ekki vitað um áhrif þeirra á þroska heila og taugakerfis eða á hormónakerfi barna til lengri tíma.

EINKENNALAUS BÖRN eru ekki sjúklingar. Börn eru flest hver með sterkt og gott ónæmiskerfi. Samkvæmt lögum og alþjóðlegum mannréttindasáttmálum á hver og einn rétt á að ákveða sjálfur hvort hann þiggur lyfjameðferð. Það er lagalegur réttur allra foreldra að segja nei, hvort sem um er að ræða bólusetningar, sýnatöku eða önnur inngrip.

VIÐ VILJUM UNDIRSTRIKA að hér er ekki um að ræða bóluefni í hefðbundnum skilningi.

UM AUKAVERKANIR: Í Englandi og Wales hefur t.d. orðið 63% aukning á dauðsföllum unglingsdrengja frá upphafi. Tveir íslenskir hjartalæknar lögðu til "að varlega væri farið í fulla bólusetningu hjá börnum" vegna aukaverkana sem komið hafa í ljós. Sem eru meðal annars hjartavöðvabólga og bólgur í gollurshúsi, sérstaklega hjá ungum karlmönnum og drengjum. Franska læknaakademían og finnsk heilbrigðisyfirvöld taka í sama streng.

Einnig hafa fjölmargar konur stigið fram og lýst yfir áhyggjum sínum af röskun á tíðahring þar sem blæðingar standa vikum og jafnvel mánuðum saman. Þetta á við bæði um konur og unglingsstúlkur.

Þá er fólki bent á að nánari upplýsingar megi fá á síðunni: www.vertuviss.is

HÆGT ER AÐ FARA Á HEIMASÍÐU UNDIRSKRIFTASÖFNUNARINNAR MEÐ ÞVÍ AÐ ÝTA HÉRNA.