Dr. Peter McCullough ræðir hér við fjölmiðilinn The Epoch Times um óásættanlega þöggun á snemmbúnum meðferðum gegn Covid eins og t.d. hýdroxýklórókíni, ivermectin og öðrum COVID-19 meðferðum. Læknirinn segist aldrei á ferli sínum hafa upplifað annað eins og að það hefði verið hægt að koma í veg fyrir fjölda veikinda og andláta ef þessar meðferðir hefðu verið notaðar. 

Læknirinn bendir á fjölda rannsókna sem styðja virkni þessara lyfja gegn sjúkdómnum en þrátt fyrir það hafi lyfin verið hunsuð af Lyfjastofnun Bandaríkjanna og stjórnvöldum og í raun markvisst reynt að koma í veg fyrir þessar meðferðir. 

Í þessu viðtali sem er fyrri þáttur af tveimum er rætt við Dr. Peter McCullough, lyflækni, hjartalækni, faraldsfræðing og aðalhöfund fyrstu skýrslunnar um snemmabúna COVID-19 göngudeildarmeðferð sem felur í sér fjöllyfjameðferðir. Rætt er um allar þær rannsóknir sem staðfesta að meðferðirnar nýtast vel sem fyrirbyggjandi og hafi t.d náðst að útrýma COVID-19 í Bangladesh.

McCullough segir að samstundis hafi áróðurinn gegn þessum lyfjum hafist sem ekki var rökstuddur með neinum rannsóknum, t.d hafi ivermectin verið kallað hestalyf og hýdroxýklórókín sagt ekki virka og að það væri eitrað. Ekki hafi verið lögð fram nein áreiðanleg gögn því til staðfestingar og enginn vilji sé til að rannsaka nánar virkni þeirra.  Í dag hafa þessi lyf hinsvegar sannað gildi sitt og ekki sé því hægt að halda áfram á þessari braut eða líta fram hjá þeim staðreyndum, það sé í raun brot á læknaeiðnum.

McCullough bendir á mikla aukningu á hjartavöðvabólgu og öðrum alvarlegum aukaverkunum í kjölfar bólusetninganna og fer einnig vel yfir þær upplýsingar sem liggja fyrir hjá CDC Vaccine Adverse Event Reporting System (VAERS), hversu nákvæmt VAERS kerfið er og hversu margar tilkynningar megi rekja beint til COVID-19 bólusetninganna.

Viðtalið í heild sinni er hægt að horfa á hér og seinni hluta má sjá hér.