Ástralska dagblaðið Sydney Morning Herald upplýsti að stjórnvöld í Ástralíu eigi von á skaðabótakröfum upp á 50 milljónir AUD (tæplega 5 milljarðar ISK). Skaðabæturnar tengjast Covid-19 bólusetningaherferðinni, þar sem þúsundir Ástrala hafa sótt um bætur vegna heilsuskaða í kjölfarið.

Hátt í 10.000 Ástralir hafa sótt um bætur sökum tekjutaps eftir að hafa þurft að leggjast inn á sjúkrahús vegna alvarlegra aukaverkana af bóluefninu.

Fjárhæð bóta eru frá 5.000 AUD (tæplega 500 þúsund ISK)per umsækjanda sem þýðir að ef allar kröfur verða samþykktar mun reikningurinn hljóða upp á 50 milljónir AUD.

Yfir 79.000 tilfelli um skaðlegar aukaverkanir hafa borist heilbrigðisyfirvöldum í landinu. Skráð hafa verið 288 tilfelli um hjartabólgur í kjölfar Pfizer bólusetninga, ásamt 160 tilfelli af segamyndun með blóðflagnafæð (thrombosis with thrombocytopenia) sem er storknunarsjúkdómur rakinn til AstraZeneca bóluefnisins.

Til að eiga rétt á bótum þarf umsækjandinn þó að hafa dvalið yfir a.m.k. eina nótt á sjúkrahúsi.

Hér neðar er sjónvarpsfrétt og viðtal við Ástrala sem greindist með gollurshússbólgu í kjölfar bólusetningar en dvaldi aldrei yfir nótt á spítala og á þar af leiðandi ekki rétt á skaðabótum.