Hallur Hallsson skrifar:

Það var harmþrungin sjón að sjá þann góða mann Willum Þór Þórsson heilbrigðisráðherra á covid-fundi Velferðarnefndar Alþingis. Týra logaði að baki Willums í auga stormsins, vitandi ekki hvaðan á sig stendur veðrið.

Ráðherra vill augljóslega gera hið rétta en hefur í raun ekki val um annað en að fylgja boðum og bönnum sérfræðinga sem hafa tekið yfir Ísland, líkt og hinn vestræna heim. Þeir hafa tekið yfir lýðfrelsi þjóða; þeir hafa tekið yfir Sameinuðu þjóðirnar og skellt veröldinni í lás. WHO Alþjóða heilbrigðisstofnunin þjónar sprautufíkn lyfjarisa.

Fundur Velferðanefndar var um áform sóttvarnalæknis að leiða 5-11 ára börn undir sprautur. Athygli vakti að Þórólfur var ekki á fundinum sem var á netinu. Staðgengill Þórólfs upplýsti að engar rannsóknir nema rannsóknir Pfizers liggi fyrir. Aðspurður upplýsti Willum að engar staðfestar rannsóknir liggi fyrir um áhrif á börn fyrr en að loknum tilraunafasa 2026. Gerir Willum Þór sér grein fyrir alvarleika málsins?

Þau ætla að sprauta börn og hafa sent út boð til foreldra um að börnin séu boðuð í sprautu í næstu viku, áminnt um grímuskyldu, samanber tilkynningu. Hversu svívirðilega hortugt er kerfi sem svona hræðir og skelfir? Ráðherra hefur sagt að enginn sé þvingaður en er raunverulega svo?

SAMFÉLAGI SKELLT Í LÁS

Sérfræðingar sem vita mikið um lítið hafa tekið yfir Ísland og eru með pólitíkusa í gíslingu. Samfélaginu er skellt í lás, lýðræði, frjálsi umræðu, rökræðu og gagnrýnri hugsun hent oní kjallara. Þjóðin sætir heilaþvotti rúvízkra trúboða sem smala fólki í sprautur og ofsafengna leit að covid með PCR sýnatökum. Ég treysti vísindum og sérfræðingum er kyrjað látlaust; allir eiga að treysta Kára, Ölmu, Víði og Þórólfi án þess að spyrja nokkurs. Nútíminn hefur gert vísindi að kirkju.

RÉTTARRÍKI ONÍ KJALLARA

Fimm einkennalausir einstaklingar véfengdu í vikunni tilskipun yfirvalda um lengd sóttkvíar. Héraðsdómur Reykjavíkur skellti í lás og lokaði réttarhaldi. Enginn fékk að vera viðstaddur þegar sóttvarnalæknir ræddi tilskipunina fyrir „einhverjum dómstól“ eins og Þórólfur orðaði það svo smekklega í Kastljósi. Enginn fær að vita vitnisburð Þórólfs.

Dómarinn sem skellti í lás er fyrrum lögfræðingur Embættis Landlæknis. Dómarinn synjaði kröfu fólksins baki luktum dyrum. Hver er staða hins íslenska réttarríkis? Lögmaður fólksins Arnar þór Jónsson upplýsti í útvarpsviðtali að sóttvarnalæknir hefði sagt fyrir Héraðsdómi að tilskipanir nú væru til að forða yfirvofandi sjúkrahúsinnlögnum. Sumsé að vernda Lansann. Fimm manns hafa látist á árinu. Dómstólar erlendis hafa dæmt PCR-test marklaus. Arnar upplýsti að Þórólfur hafi lýst þau áreiðanleg. Þetta fær fólkið í landinu ekki að vita.

Ætli Willum Þór viti að Nóbelshafinn Kary Mullis segi að PCR testin sem hann fann upp séu ekki til að greina pestir. PCR tæknin magni upp sýktar m-RNA frumur & finni. Oxford-háskóli hafi greint að PCR test nemi dauðar veirur. Á grundvelli PCR fer fram dauðaleit að covid, delta og omicron og leitin að óbólusettum er hafin. Enginn skal sleppa undan "réttvísi þeirra". Allt miðast við "þýði" þeirra & rétti einstaklingsins hent fyrir róða. Hópur alþjóða lögmanna undir forystu hins þýska Reiner Fullmich boðar alþjóðalega lögsókn um ónýti PCR.

AF HVERJU LEYNISAMNINGUR VIÐ PFIZER ...

Af hverju ætli tilraunasprautur Pfizer hér á landi séu á grundvelli leynisamnings þar sem lyfjarisinn er firrtur allri ábyrgð? Auðvitað veit Willum um tilkynningu Lyfjastofnunar um 5.917 aukaverkanir af sprautum; þar af 259 alvarlegar aukaverkanir. Hafa ráðherrar & alþingismenn heimsótt þetta fólk eða boðið að segja sögu sína & reynslu?

Það er svo margt skrítið í þessum kýrhaus. Af hverju ætli Alma landlæknir hafi sagt að töfralyf til 80 ára, Hydroxychloroquine sé klór sem ekki megi drekka? Af hverju ætli Lyfjastofnun hafi kært Kalla Snæ lækni til lögreglu fyrir að mæla með Nóbelslyfinu Ivermectin. Læknirinn var kallaður í yfirheyrslu og hótað fimm ára fangelsi.

GENA-ÞERAPÍA

Veit Willum að vaksínin gegn covid er gena-þerapía með gerviefnum til framleiðslu próteina á grundvelli nýrrar m-RNA tækni. Það er verið að fikta við gen okkar. Þekkir Willum rannsóknir Angus Dalgleish og Birgers Sörensen um aðskotahluti í brodd-próteinum? Veit hann um örlög þýska vísindamannsins Dr. Andreas Noak, sem vopnuð þýsk lögregla réðist inn á þegar hann var að streyma skaðsemi brodd-próteina?

VERÐUR ÞEIM STEFNT?

Veit Willum um uppljóstarann Dr. Mike Yeadon, fyrrum einn æðsta vísindamann Pfizer, sem ásamt tug breskra borgara hafa stefnt Boris Johnson forsætisráðherra og 15 öðrum fyrir Alþjóða Glæpadómstólinn í Haag fyrir spraututilraunir á mannfólki. Alþjóða Glæpadómstóllinn var stofnaður 2002 á grundvelli Rómar-sáttmálans 1998 og heitstrengingar mannkyns eftir Nurnberg-réttarhöldin 1946. Vísindamenn nazista voru látnir sæta ábyrgð á fyrirlitlegum lyfjatilraunum á mannfólki. Hver er munur á lyfjatilraunum og  sprautu-tilraunum? Þekkir Willum ummæli Bill Gates og elítunnar í Davos um offjölgun mannkyns?

Ísland er aðili að Alþjóða Glæpadómstólnum í Haag. Vita íslenskir ráðamenn að þeim kann að verða stefnt fyrir Alþjóða Glæpadómstólinn í Haag fyrir siðlausar lyfspraututilraunir á íslenskri þjóð?