Ræningjar í höllinni

frettinInnlent, Pistlar1 Comment

Hallur Hallson blaðamaður skrifar:

Aldrei í sögu íslenskrar blaða- og fréttamennska hafa fjölmiðlar lagst jafn lágt og í Höllinni mánudaginn 10.01.2022. Sakbitin covidyfirvöld í örvæntingu kölluðu til aðstoðar ræningja Kardimommubæjarins í tilefni bólusetningar 5-11 ára barna. Um þúsund börn mættu með foreldrum og fjölmiðlum fundust ræningjarnir svo skemmtilegir.

Amerískt síbrotakompaní þekkt sem Criminal Pfizer er með tilrauna- og neyðarleyfi til 2026 með leynisamning við ríkisstjórn Íslands þar sem firmað firrir sig allri ábyrgð ef eitthvað fer úrskeiðis. Um sex þúsund aukaverkanir hafa verið tilkynntar til Lyfjastofnunar þar af um 260 alvarlegar aukaverkanir. Í Evrópu hafa verið tilkynntar 1.5 milljón alvarlegar aukaverkanir í kjölfar vaxxína og 36.250 dauðsföll. Sprautur 1 og 2 virkuðu ekki, sprauta 3 er í gangi og erlendis er sprauta 4 hafin.

Ríkismiðlar Evrópu hafa samstarf um að samræma „sannleika á rauntíma“ um covid og lyfjarisana í gegn um EBU European Broadcasting Union stýrt af BBC. Fólki er skipað að setja upp grímur, spritta sig og þvo hendur en helsti þvottur fólksins í landinu síðastliðin tvö ár hefur verið rúvízkur heilaþvottur.

Vaxxín gegn covid eru ekki hefðbundin bóluefni heldur gena-þerapía með gerviefnum á grundvelli nýrrar m-RNA tækni. Það er verið að fikta við gen okkar. Vísindamennirnir Angus Dalgleish og Birger Sörensen hafa rannsakað aðskotahluti í brodd-próteinum vaxxína. Falsmiðlar okkar segja ekki frá skaðsemi brodd-próteina.

Af hverju þjóna ríkismiðlar hagsmunum Big Pharma sem græðir á tá og fingri? Af hverju semur ríkisstjórn Íslands við félag með ferilskrá eins og Pfizer?

Af hverju láta ríkismiðlar Pfizer og Big Pharma njóta vafans?

Börnin okkar eru ekki látin njóta vafans. Af hverju?

One Comment on “Ræningjar í höllinni”

  1. Þetta er bara ofan á borðinu hjá þeim. Þeir eru að ræna börnunum okkar frelsinu, þessir rænkngjar eru bara skýr myndlíking….🤣🤣🤣🤣🤣

Skildu eftir svar

Netfang þitt verður ekki birt. Nauðsynlegir reitir eru merktir *