Þórólfur gerir lítið úr náttúrulegu mótefni sem er það besta samkvæmt vísindunum

frettinInnlent3 Comments

Á upplýsingafundi Almannavarna í vikunni var blaðamaður Fréttarinnar með fyrirspurn til Þórólfs Guðnasonar varðandi ívilnanir fyrir þá sem eru komnir með náttúrulegt mótefni í vegna Covid sýkingar.

Fram hefur komið að þeir sem að eru búnir að fá örvunarskammt fá aukin réttindi hvað varðar sóttkví og einangrun og einnig þeir sem hafa fengið tvær sprautur og auk þess sýkst af Covid. Blaðamaður spurði Þórólf um þá ósprautuðu sem hafa fengið Covid og því komnir með náttúrulegt mótefni, þ.e. hvort þeir fengju ekki líka undanþágu. Þórólfur svaraði því að þeir fengju það ekki, einungis þeir þrísprautuðu og tvísprautuðu sem hafa fengið Covid og lét að því liggja að erfitt væri að sannreyna mótefnið.

Hunsar læknavísindin

Þetta er hins vegar alrangt hjá sóttvarnarlækni og þarna má segja að hann sé með þessari yfirlýsingu sinni að afneita öllum læknavísindum fyrr og síðar og meira segja eigin málflutning, því í ágúst síðastliðnum og svo aftur í nóvember þá var haft eftir Þórólfi að það verði að leyfa veirunni að ganga um samfélagið til að ná hjarðónæminu sem mun ekki nást með bóluefnunum eins og flestum er orðið ljóst.

Hjá National Institute of health (NIH) er birt rannsókn á náttúrulegu mótefni eftir Covid-19 sýkingu og kemur þar í ljós að vörnin endist a.m.k. í 8 mánuði og hugsanlega lengur.

Úr greininni: Eftir að fólk hefur jafnað sig eftir sýkingu af veiru, geymir ónæmiskerfið það í minninu. Ónæmisfrumur og prótein sem streyma í líkamanum geta þekkt og drepið sjúkdómsvaldinn ef hann birtist aftur, verndað gegn sjúkdómum og dregur úr alvarleika veikinda. Þessi langtíma ónæmisvörn felur í sér nokkra þætti. Mótefni - prótein sem streyma í blóðið - þekkja framandi efni eins og vírusa og gera þau hlutlaus. Mismunandi gerðir af T- frumum (minnisfrumum) hjálpa til við að þekkja og drepa sýkla. B-frumur búa til ný mótefni þegar líkaminn þarfnast þeirra.

Í Ísrael hafa einnig verið gerðar rannsóknir á viðfangsefninu og þar er niðurstaðan sú sama þ.e. að náttúrlegt mótefni veiti betri og lengri vörn en bólusetning sjá hér.

Þess má einnig geta að forstjóri Pfizer gaf nýlega út yfirlýsingu þess efnis að núverandi bóluefni veiti litla sem enga vörn gegn Omicron.

Eru því með öllu óskiljanleg þessi svör Þórólfs að náttúrlegt mótefni hafi ekkert að segja og er hann þar í raun að skrumskæla helstu læknavísindi fyrr og síðar, því það er löngum vitað að ónæmiskerfi líkamans myndar öruggt og gott mótefni við flensu-og kórónuveirum (Sars cov-2), það er einmitt hlutverk ónæmiskerfisins sem Þórólfur virðist nú hunsa með öllu þrátt fyrir eigin yfirlýsingar um mikilvægi hjarðónæmis og náttúrlegt mótefni.

Bólusetning skemmir náttúrulega mótefnið

Hins vegar hefur borið nokkuð á því að þeir sem láta bólusetja sig eftir að hafa fengið Covid fái síðan aftur sjúkdóminn, en það er skiljanlegt því ef  bólusett er ofan í náttúrlegt mótefni skemmist náttúrlega mótefnið samkvæmt vísindunum og getur það verið stórvarsamt og framkallað ofnæmisviðbrögð í líkamanum og veikt ónæmiskerfið.

Nýlega fékk Fréttin upplýsingar um að manneskja sem hafði fengið Covid hafi verið ráðlagt af heilbrigðisyfirvöldum hér á landi að láta bólusetja sig viku seinna sem hún fór svo og gerði. Þetta varð til þess að viðkomandi veiktist illa eftir sprautuna og var síðan aftur greind með covid viku eftir, sem sagt 2-3 vikum eftir upphaflegu sýkinguna. Þessi vinnubrögð hljóta að teljast ámælisverð þegar ónæmiskerfinu er ekki leyft að sjá um sýkinguna og því um ónauðsynlegt inngrip að ræða sem getur verið stórvarasamt en samkvæmt nýjum upplýsingum frá sóttvarnarstofnun Evópu geta tíðir örvunarskammtar einnig laskað ónæmiskerfið.

Fréttin birti svo í gær opið bréf frá prófessor í læknadeild við háskólann í Tel Aviv, þar sem hann fer yfir mörg mál tengd sóttvarnaraðgerðum og fjallar um undarleg vinnubrögð í þeim efnum sem má sjá víðar en í Ísrael og eru algjörlega á skjön við læknavísindin.

3 Comments on “Þórólfur gerir lítið úr náttúrulegu mótefni sem er það besta samkvæmt vísindunum”

  1. Þessi maður og fleiri munu þurfa að svara fyrir margt, enginn af þeim mun sleppa. Ekki verður heldur öfundsverður dómurinn þegar þau leggja í ferðalagið yfir móðuna miklu.

  2. Þið eruð þeir einu sem hunsa læknavísindi… og önnur vísindi ef marka má orð ritstjóra um biblíuna

Skildu eftir skilaboð