Jóhannes Þór Skúlason, framkvæmdastjóri Samtaka ferða-þjónustunnar, hefur lýst því yfir að hann vilji að bólusetninga-passar verði teknir upp hér á landi sem myndi í raun þýða nokkurs konar skyldubólusetningu.
Það er nokkuð sérstakt að Jóhannes vilji þvinga fólk til að fá Covid bóluefni eftir að hafa sjálfur þurft að leggjast inn á spítala með aukaverkanir eftir bólusetningu, sem hljóta að hafa verið nokkuð alvarlegar fyrst hann endaði uppi á spítala.
Í maí 2021 sagði Jóhannes Þór frá því á Twitter að hann væri að horfa á Eurovision ,,í góðu yfirlæti á Landspítalanum“ eftir Astra Zeneca bólusetningu.
„Astra Zeneca hafði önnur plön fyrir mig en Júróstuð í kvöld. Er því í góðu yfirlæti á Landspítalanum að endurstilla systemið. Júróvisjónselskabet var auðvitað búið að rigga upp alvöru sjúkra-Jóa-brúðu löngu fyrir Te Deum. Þetta kallar maður að taka hlutina #allaleið #12stig.“
Jóhannes veit sumsé af eigin raun hverjar afleiðingarnar af Covid bóluefni geta verið, en honum er bersýnilega sama þótt samborgarar hans lendi í slíku. Vill einhver fylgja ráðum slíkra manna?
Eins virðist hann líka hafa misst af lestinni þar sem Bretar, Tékkar, Ísraelar og fleiri eru að hætta með passana og/eða hverfa frá hugmyndum um skyldubólusetningu.
Hringbraut sagði einnig frá spítalavistinni á sínum tíma.
One Comment on “Jóhannes lenti á spítala eftir bólusetningu en vill þvinga aðra í sprautur”
Þetta er maðurinn sem vildi opna Ísland upp á gátt án allra takmarkana sama hver staðan var hverju sinni, Öllu fórnað fyrir nokkrar evrur í vasa ferðaþjónustunnar.
Hvað vill hann segja við fjölskyldur þeirra 44 íslendinga sem létust úr Covid og þúsunda sem gíma við alvarlegar aukaverkanir?
Er þetta rétt stefna að bólusetja sem flesta landsmenn sem oftast en hleypa smituðum ferðamönnum inn í landið hægri vinstri án eftirlits.