Japanska lækninga- og lyfjafyrirtækið Kowa segir ívermektín vera veirueyðandi lyf sem virki vel í baráttunni við kórónuveiruna, bæði við ómíkron og öðrum afbrigðum. Fyrirtækið stendur nú í þriðja fasa rannsóknarinnar.
Kowa hefur unnið í samstarfi við Kitasato háskólann í Tókýó að því að prófa lyfið sem hugsanlega meðferð við COVID-19, en frekari upplýsinga er að vænta á næstunni og klínískar rannsóknir standa yfir.
Þáttastjórnandinn Joe Rogan er einn af þeim sem hefur talað fyrir lyfinu og notaði það sjálfur við COVID-19 með góðum árangri. Hann hefur verið gagnrýndur af stórstjörnum eins og Neil Young og Joni Mitchell og sakaður um falsfréttir og áróður meðala annars með því að taka viðtöl við sérfræðinga innan læknisfræðinnar sem sýna fram á gagnsemi lyfsins og kynna jafnframt aðrar hliðar á COVID-19 bóluefnum en meginstraumurinn.
Ívermektín hefur reynst gríðarlega gagnlegt í baráttunni gegn COVID-19 samkvæmt mörgum ítarlegum rannsóknum. En áður hefur slíkum rannsóknum verið vísað á bug sem „falsfréttum“ af lyfjarisunum, meginstraumsfjölmiðlum og yfirvöldum sem bundin eru af leynilegum kaupsamningum við lyfjarisana.
Reuters, ein stærsta fréttastofa heims, greinir nú frá þessum rannsóknum og hefur það fengið netverja til að velta því fyrir sér, hvort Twitter muni loka á fréttastofuna eins og gert var við Rogan.
Uppfært: Reuters breytti fréttinni og fyrirsögninni og því virðist sem slegið hafi verið á puttana á þeim af hagsmunaaðilum, upphaflega heimildin var skrifuð á aðra miðla og má skoða hér.