Króatíski Evrópuþingmaðurinn Mislav Kolakušic hefur varað við því að skyldubólusetning jafnist á við dauðarefsingu. Þetta sagði hann vegna yfirlýsingar Emmanuel Macron Frakklandsforseta um að þeir sem væru óbólusettir væru „óábyrgir“ og „ekki lengur ríkisborgarar“.
Kolakušic sagði í ræðu sinni á Evrópuþinginu fyrir nokkrum dögum og beindi orðum sínum til Macron sem sat nokkra metra frá honum: „Þú sagðir í dag að þú værir stoltur af því að það væru engar dauðarefsingar í Evrópu“ og bætti svo við „tugir þúsunda borgara hafa látist af völdum aukaverkana bóluefnanna. Skyldubólusetningar tákna dauðarefsingu og munu leiða til dauða margra borgara.“
Í byrjun janúar hafði Macron sagt við dagblaðið Le Parisien að vilji hans væri að gera líf óbólusettra Frakka eins leitt og mögulegt er. Macron sagði að markmið hans væri að „takmarka líf“ þeirra sem ekki væru bólusettir með því að meina þeim aðgang að veitingastöðum, leikhúsum og kvikmyndahúsum.
Macron er einn af þeim sem má segja að hafi útskrifast af námskeiði glóbalistans Klaus Schwab eftir hafa tekið þátt í námskeiði hans „Young Global Leaders.“ Klaus Schwab hefur alla tíð verið mjög á móti þeim sem ekki hafa viljað láta bólusetja sig og því kemur ekki á óvart að Macron fylgi þessum leiðtoga sínum.
Eins og við mátti búast hafa margir andmælt Macron og einræðistilburðum hans, sem ber öll merki yfirvofandi þjóðarmorðs. Endanlegt markmið Macron er að útrýma hinum óbólusettu, og Kolakušic er að benda á þetta.
„Morð er morð,“ sagði hann um markmið Macron og bætti við að hvers kyns sprautur ættu alltaf að vera valkvæðar. Kolakušic benti einnig á að opinber gögn frá Lyfjastofnun Evrópu (EMA) sýni að bólusetningarefnin séu ekki eins „örugg og áhrifarík“ og haldið hefur verið fram.
Alvarleg brot á grundvallarmannréttindum
Kolakušic sem er fyrrum dómari í heimalandi sínu fjallaði um mannréttindabrot Ursulu von der Leyen, forseta framkvæmdastjórnar Evrópusambandsins þegar hún ávarpaði Evrópuþingi í september 2021.
Hann segir að Covid-stefna Von der Leyen sé að sundra borgurunum á sama tíma og hún brýtur bæði gegn réttindum þeirra og vísindalegum ráðleggingum óháðra vísindamanna sem hafa varað við því að sprauturnar séu ekki sú kraftaverkalækning sem haldið hefur verið fram.
Kolakušic talaði í löngu máli um vinstristefnu von der Leyen, sem brjóti í bága við „félagsleg réttindi“ ESB borgara svo ekki sé minnst á þá staðreynd að stefnan sem rekin hafi verið sé í algjörri mótsögn við raunveruleikann.
„Grundvallarmannréttindi hafa ekki verið brotin jafn alvarlega og nú síðastliðinn 80 ár allt frá tíma nasismans: frelsið til að ferðast, rétturinn til vinnu, til heilsugæslu og bann við læknisfræðilegum tilraunum sem nú séu gerðar á meira en 500 milljónum manna.“
„Ennfremur hefur sérhver borgari sjálfsákvörðunarrétt" lagði Evrópuþingmaðurinn áherslu á.
Kolakušic krafðist þess að allri mismunun yrði tafarlaust hætt. Fólk ætti að fá að taka eigin heilbrigðisákvarðanir án hótana eða ofsókna frá stjórnvöldum, sagði hann.
„Bólusetningavottorð sem leyfa aðeins bólusettum að ferðast á meðan þeir dreifa veirunni alveg eins auðveldlega og óbólusettir er klikkun,“ bætti hann við um bólusetningavottorð ESB.
„Enginn veit hvað mun gerast ef við bindum ekki enda á þetta“ bætti hann við um fasíska stjórnarhætti von der Leyen.