Öldungadeildarþingmaður krefur varnamálaráðherra skýringa á veikindum hermanna

frettinErlent2 Comments

Öldungadeildarþingmaðurinn Ron Johnson sendi bréf til varnamálaráðherra Bandaríkjanna, Lloyd Austin, og krefst upplýsinga um gríðarlega mikinn COVID-19 bóluefnaskaða meðal hermanna. Fréttin hefur áður fjallað um málið.

Nokkrir heimsþekktir læknar og læknasérfræðingar hittust á pallborðsumræðum undir yfirskriftinni „Covid-19: A Second Opinion“ í Washington DC þann 24. janúar 2022, sem  Ron Johnson öldungadeildarþingmaður stóð fyrir.

Á viðburðinum kynnti Thomas Renz lögfræðingur í Ohio læknisfræðileg gögn úr gagnagrunni hersins, Defense Medical Epidemiology Database (DMED). Renz kom með óhugnanlegar upplýsingar varðandi heilsu bandarískra hermanna frá því að byrjað var að bólusetja við Covid fyrir ári síðan.

Samkvæmt Renz var stjarnfræðileg aukning á nokkrum alvarlegum sjúkdómum og sjúkdóms-greiningum meðal bandaríska hermanna frá því byrjað var að bólusetja.

Uppljóstrararnir komu fram vegna þess sem þeir sáu í starfi sínu sem læknar hersins og því fóru þeir að skoða DMED gagnagrunninn fyrir frávik í tengslum við aukninguna sem þeir höfðu séð í klínískri reynslu sinni, sagði Renz í umræðunni.

Á mánudaginn sendi öldungadeildarþingmaðurinn Ron Johnson bréf til varnarmálaráðherrans til að fá staðfestingu á upplýsingunum Renz. Öldungadeildarþingmaðurinn veitti ráðherranum frest til 15. febrúar 2022 til að veita upplýsingar um bóluefnaskaðann.

„Byggt á gögnum úr gagnagrunninum (DMED) greindi Renz frá því að þessir uppljóstrarar hafi fundið verulega aukningu á skráðum sjúkdómsgreiningum í gagnagrunninum vegna fósturláta, krabbameins og margra annarra sjúkdóma árið 2021 samanborið við fimm ára meðaltal frá 2016- 2020.

Renz sagði m.a. í pallborðsumræðunum að skráðum greiningum vegna taugasjúkdóma hafi fjölgað úr 82.000 í 863.000 árið 2021,skrifaði öldungadeildarþingmaðurinn Johnson.

Johnson tiltók í bréfi sínu eftirfarandi sjúkdóma sem Renz hafði upplýst um að hafi aukist gríðarlega:

Háþrýstingur – 2.181% aukning
Sjúkdómar í taugakerfi – 1.048% aukning
Illkynja æxli í vélinda – 894% aukning
MS-sjúkdómur – 680% aukning
Illkynja æxli í meltingarfærum – 624% aukning 
Guillain-Barre heilkenni – 551% aukning
Brjóstakrabbamein – 487% aukning
Illkynja æxli í skjaldkirtli og öðrum innkirtlum – 474% aukning
Ófrjósemi kvenna – 472% aukning
Lungnasegarek – 468% aukning
Mígreni – 452% aukning
Vanstarfsemi eggjastokka – 437% aukning
Eistnakrabbamein – 369% aukning
Hjartsláttatruflanir – 302% aukning

Í lok bréfs síns spyr öldungadeildarþingmaðurinn varnamálaráðherrann eftirfarandi spurninga:

Er varnamálaráðuneytið meðvitað um aukningu á skráðum greiningum á fósturláti, krabbameini eða öðrum sjúkdómum í gagnagrunninum (DMED) vegna ársins 2021 samanborið við fimm ára meðaltal frá 2016-2020? Ef svo er, vinsamlegast útskýrðu hvaða aðgerðir ráðuneytið hefur gripið til til að kanna ástæðuna fyrir þessum auknum  sjúkdómsgreiningum.

Hafa skráðar greiningar á hjartavöðvabólgu í DMED verið fjarlægðar úr gagnagrunninum frá janúar 2021 til desember 2021? Ef svo er, vinsamlegast útskýrðu hvers vegna og hvenær þessar upplýsingar voru fjarlægðar og upplýstu hver fjarlægði þær.

Hægt er að lesa bréfið hér:

2 Comments on “Öldungadeildarþingmaður krefur varnamálaráðherra skýringa á veikindum hermanna”

  1. Arni, ertu í alvörunni að linka inná fact checking síðu?

    Politifact(ásamt fullt af öðrum fact checking síðum) hefur fengið greiðslur frá meðal annars:

    Google
    Facebook
    George Soros Open Societies
    Gates Foundation

Skildu eftir skilaboð