Það voru ekki slæm­ar frétt­ir sem birt­ust nú í vik­unni sem leið að frem­ur dræm mæt­ing hafi verið í bólu­setn­ingu barna 5-11 ára í Laug­ar­dals­höll. Alla vega ekki með til­liti til varnaðarorða 17 þúsund lækna og lýðheilsu­vís­inda­manna, hvaðanæva úr heim­in­um, sem ný­lega hafa birt und­ir­ritaða yf­ir­lýs­ingu þess efn­is að alls ekki ætti að bólu­setja börn með þess­um gena-bólu­efn­um.

Þessi dræma þátt­taka sýn­ir að meiri­hluti for­eldra barn­anna læt­ur ekki ný­lega birta skoðana­könn­un um að þrír af hverj­um fjór­um lands­manna séu hlynnt­ir bólu­setn­ingu smá­barna blekkja sig. Þessi skoðana­könn­un er vitn­is­b­urður um smit­hræðslu þeirra eldri og barn­lausu sem virðast standa í þeirri mein­ingu að þeir séu framtíðin en ekki börn­in.

Já­kvæð verður líka að telj­ast ný­leg frétt þess efn­is að aðeins 20-30% hafi mætt í svo­nefnd­an örvun­ar­skammt enda orðið deg­in­um ljós­ara að bólu­efn­in virka ekki gegn ómíkron-af­brigðinu sem nú er alls­ráðandi. Meira að segja Pfizer viður­kenn­ir þetta með yf­ir­lýs­ingu á dög­un­um um að fresta beri örvun­ar­skammti því betra bólu­efni gegn ómíkron-af­brigði veirunn­ar sé vænt­an­legt með vor­inu, auk nýs lyfs til meðferðarúr­ræðis gegn Covid.

Svíþóð slæm fyrirmynd að mati Ásgeirs Haldórssonar læknis

Svíþjóð er slæm fyr­ir­mynd, að mati Ásgeirs Har­alds­son­ar, yf­ir­lækn­is á Barna­spítala Hrings­ins (sjá grein hans í Mbl. 1. þ.m.).

Heil­brigðis­yf­ir­völd í Svíþjóð hafa til­kynnt að þau mæli gegn bólu­setn­ingu barna yngri en tólf ára, enda eigi þau lítt á hættu á að veikj­ast al­var­lega.

Ásgeir tel­ur var­huga­vert að taka Svía til fyr­ir­mynd­ar í sótt­varnaaðgerðum og bend­ir á að dán­artíðnin þar sé tí­falt hærri en á Íslandi. Þessi staðhæf­ing er því miður gott dæmi um það hvernig sum­ir leyfa sér að villa um með töl­fræði, því þrátt fyr­ir þenn­an tí­falda mun er dán­artíðni meiri­hluta ríkja í Evr­ópu svipuð eða hærri en í Svíþjóð, sem er með um 1.500 dauðsföll per millj­ón. Það þarf ekki annað en að fara inn á Wikipedia til að sjá töl­urn­ar. Má þar nefna ríki eins og Bret­land (2.301), Frakk­land (1.998), Ítal­íu (2.370), Þýska­land (1.408), Lúx­em­borg (1.501), Belg­íu (2.450), Sviss (1.459), Pól­land (2.789) og Ung­verja­land (4.304) svo eitt­hvað sé nefnt.

Látið er í veðri vaka að Svíþjóð sé eina Norður­landaþjóðin sem geld­ur þenn­an var­hug varðandi börn­in. Svo er ekki því norsk stjórn­völd hafa ný­lega tekið þá ákvörðun að gefa ekki út op­in­ber til­mæli um að bólu­setja börn í þess­um ald­urs­hópi, 5-11 ára, nema til af­markaða hópa eins og barna með und­ir­liggj­andi sjúk­dóma og mjög skert ónæmis­kerfi sem þurfi því að taka „áhætt­una af spraut­unni“, eins og það er orðað.

Lík­lega hafa bæði sænsk og norsk heil­brigðis­yf­ir­völd hlustað bet­ur en þau ís­lensku á varnaðarorð hinna 17 þúsund lækna og lýðheilsu­vís­inda­manna sem getið er um hér að fram­an.

Ísland slæm fyrirmynd, ekki Svíþjóð

Að þessu leyti er það Ísland sem er slæm fyr­ir­mynd, ekki Svíþjóð.

Franska lækna­aka­demí­an mælti gegn bólu­setn­ingu heil­brigðra barna. Finnska lýðheilsu­stofn­un­in tók sömu af­stöðu, ráðgjaf­ar­nefnd breskra stjórn­valda sömu­leiðis.

Ekk­ert heil­brigt barn, 5-11 ára, hef­ur lát­ist úr Covid-19 í Þýskalandi, 85 millj­ón manna þjóð, sam­kvæmt rann­sókn sem birt var í des­em­ber síðastliðnum, og al­var­leg veik­indi eru nær óþekkt.