Í gegnum heimsfaraldurinn hefur Sóttvarnastofnun Bandaríkjanna (CDC) haldið utan um af kostgæfni Covid-19 tilfelli, sjúkrahúsinnlagnir og dauðsföll sem almenningur hefur getað skoðað. Þetta eru tölurnar sem hafa verið látnar halda uppi veiruóttanum hjá almenningi undanfarin tvö ár eða svo.
En þessar upplýsingar eru aðeins brot af þeim gögnum sem stofnunin hefur safnað og skipta máli.
Samkvæmt upplýsingum sem New York Times hefur fengið hefur CDC einnig verið að safna mun ítarlegri gögnum um Covid sýkingar t.d. skiptingu eftir aldri, kynþætti og bólusetningastöðu.
Stofnunin hefur hins vegar markvisst haldið þessum upplýsingum frá almenningi vegna ótta þar innandyra um að þær yrðu „mistúlkaðar“ og myndu valda því að fólk hikaði við að láta bólusetja sig.
Með öðrum orðum, „sérfræðingarnir“ í bandarísku lýðheilsustjórninni telja að vesalings almúginn sé ekki nógu fær um að túlka gögn og upplýsingar sjálfur og taka upplýstar ákvarðanir. „Við treystum þér ekki til að skilja sannleikann.“
Meðal þeirra gagna sem CDC hefur haldið frá almenningi eru nákvæmar upplýsingar um Covid sýkingar fullbólusettra einstaklinga (e. breakthrough cases) og sjúkrahúsinnlagnir og dauðsföll þessara einstaklinga. Stofnunin hefur safnað þessum ítarlegu upplýsingum frá upphafi bólusetninganna.
Svo mikil hafa ósannindin verið að lýðheilsufulltrúarnir hjá CDC hafa í marga mánuði fullyrt að ekki væri fylgst með slíkum "breakthrough" tilfellum. "Breakthrough" tilfelli eru samkvæmt skilgreiningu þau tilvik þar sem einstaklingur mælist með COVID-19 að minnsta kosti tveimur vikum eftir að hann hefur verið bólusettur að fullu og/eða tveimur vikum eftir að hafa fengið örvunarskammt.
Sérfræðingarnir ákváðu að leyna þessum gögnum vegna þess að þau passa ekki við hina „samþykktu“ nálgun sem þeir vilja halda á lofti t.d. að bólusetningar myndu skapa hjarðónæmi. Leyndina réttlættu svo sérfræðingarnir með því að halda því fram að mögulega sýndu hin leyndu gögn „rangar upplýsingar.“
Á Íslandi hefur sömu upplýsingum verið haldið frá almenningi þ.e.a.s. landlæknir og sóttvarnalæknir hafa ekki upplýst almenning um smit, sjúkrahúsinnlagnir og dauðsföll fullbólusettra einstaklinga, þ.e. "breakthrough" tilfelli. Hafa sóttvarnayfirvöld jafnvel gengið svo langt að falsa gögn hafi þau ekki passað við hina „samþykktu“ nálgun sem þau vilja halda á lofti um ágæti hinna svokölluðu bóluefna.