Sex vikum eftir að hafa verið „að fullu bólusett“ (15 dögum eftir seinni sprautuna) eru börn undir 12 ára 40% líklegri til að smitast af Covid en þau sem ekki fengu mRNA bóluefnið. Þetta sýnir risastór gagnagrunnur í New York fylki.
Bóluefnið veitir nokkra vernd fyrstu tvær vikurnar eftir að „fullri bólusetningu“ er náð (þriðju og fjórðu viku eftir seinni sprautuna), en verndin lækkar hratt og verður neikvæð á fimmtu viku og meira neikvæð á þeirri sjöttu.
„Neikvæð“ bóluefnisverkun þýðir að bólusettir einstaklingar eru líklegri til að smitast en óbólusettir.
Ekki er ljóst hversu mikil þessi aukna smithætta getur endanlega orðið fyrir ung börn þar sem gagnagrunnurinn náði aðeins yfir sex vikur og þróunin versnaði í hverri viku sem leið.
Bláa súlan (5-11 ára bólusett börn) á myndinni hér að neðan sýnir hlutfallslegar líkur á að óbólusett og bólusett börn fái Covid. Rauða brotalínan jafngildir áhættuhlutfalli 1 - 50/50 áhættu.
Sjáið hvernig bláa súlan fellur í hverri viku og fer niður fyrir rauðu línuna eftir 35 daga. Á þeim tímapunkti eru óbólusett börn minni áhættu (minni líkur á að þau smitist). (Appelsínugula súlan eru börn á aldrinum 12-17. Þau hafa enn nokkra vernd í sex vikur, þó hún fari líka minnkandi.)
Rannsóknin náði yfir tímabilið frá miðjum desember til loka janúar, þegar Omicron afbrigðið varð ríkjandi. Þrátt fyrir að margar aðrar rannsóknir hafi sýnt að bóluefnin eru að mestu gagnslaus gegn Omicron sýkingu hjá fullorðnum eftir fjóra mánuði, gerir þessi gagnagrunnur það ljóst að þau eru enn gagnslausari og það enn hraðar hjá börnum.
Börn á aldrinum 5 til 11 ára fá minni mRNA skammt en unglingar og fullorðnir, 10 míkrógrömm á móti 30 í hverjum skammti. Ekki er ljóst hvort minni skammtur sé ástæðan fyrir því að sprauturnar skili enn minni árangri hjá börnum en fullorðnum eða hvort ónæmiskerfi barna bregðist öðruvísi við mRNA efninu, sama hver skammtastærðin er.
Bóluefnisvörn gegn Covid sjúkrahúsvist hjá börnum yngri en 12 ára lækkaði einnig með tímanum. Á síðustu tveimur vikum rannsóknarinnar veittu bóluefni enga tölfræðilega marktæka vörn gegn sjúkrahúsinnlögnum vegna Covid, þó að tölurnar væru mjög lágar.
Gagnagrunnurinn náði yfir 365.000 bólusett börn í New York fylki á aldrinum 5-11 ára.
Athygli verkur að rannsakendur nefndu ekki neikvæðu virkni mRNA bóluefnisins í umfjöllun sinni um niðurstöður sínar.
One Comment on “Smitlíkur barna yngri en 12 ára aukast um 40% eftir mRNA bólusetningu”
Er ekki rétt að koma þessum rannsókum á framfæri og senda þessar niðurstöður til heilbrigðisyfirvalda, landlæknis og sóttvarnarlækni.
Skv. þessum upplýsingum er vita gagnlaust að dæla þessum efnum í börnin og því á að hætta þessari vitleysu. Skaðsemin er ekki könnuð en til eru óteljandi dæmi um skaðleg áhrif til skamms tíma en engar upplýsingar til langs tíma.
Látum börnnin vera og hættum þessari herferð vitleysunnar.