Stjórnarformaður tryggingafélags rekinn – vakti athygli á miklum fjölda aukaverkana

frettinErlentLeave a Comment

Fréttin sagði nýlega frá því að þýska sjúkratryggingafélagið BKK ProVita hefði upplýst að greining gagna frá rúmlega 10 milljón manns benti til þess að aukaverkanir COVID bóluefna væru verulega vantilkynntar. Eftir greiningu félagsins eru vísbendingar um grafalvarlegt háskamerki og útilokar félagið ekki að efnin séu lífshættuleg.

Fyrir tveimur vikum olli Andreas Schöfbeck stjórnarformaður BKK ProVita uppnámi með því að skrifa bréf til bóluefnaeftirlits Þýskalands, Paul-Ehrlich-Institut, til að spyrjast fyrir um háa tíðni aukaverkana af Covid bóluefninu. Gögnin sem stuðst var við voru innheimtukröfur tryggingartaka vegna læknaheimsókna.

Schöfbeck hefur nú fyrirvaralaust verið vikið úr starfi eftir klukkutíma langan félagsfund í gærmorgun þar sem hann var fenginn til að verja bréf sitt. Fulltrúar frá Paul-Ehrlich-stofnuninni, þar á meðal forstjórinn, Klaus Cichutek, höfðu samþykkt að hitta Schöfbeck og aðra starfsmenn BKK síðdegis í gær. Uppsögn Schöfbeck var augljóslega tímasett til að koma í veg fyrir þátttöku hans á þeim fundi.

BKK hafði eins og áður segir greint innheimtukröfur lækna frá 10,9 milljónum tryggðra einstaklinga og fann út að 217.000 manns hefðu fengið læknismeðferð vegna aukaverkana af bóluefninu.

„Að okkar mati eru aukaverkanir bólusetninga verulega vantilkynntar,“ sagði Schöfbeck. „Samkvæmt útreikningum okkar eru 400 þúsund læknaheimsóknir meðal tryggingartaka okkar vegna fylgikvilla bólusetninga.“

Schöfbeck sagði að ef tölur eru framreiknaðar yfir eitt ár fyrir alla þýska borgara, þ.e. 83 milljónir manns, er líklegt að 2,5 - 3 milljónir manna í Þýskalandi hafi fengið læknismeðferð vegna aukaverkana af COVID-bóluefnum.

„Gögnin sem eru tiltæk fyrir fyrirtæki okkar gefa okkur ástæðu til að ætla að það sé umtalsverð vanskráning á grunuðum tilfellum um aukaverkanir eftir COVID bólusetningar,“ skrifaði Schöfbeck.

Heimild

Skildu eftir skilaboð