Á meðan Evrópa vaknar gera Bandaríkjamenn sig að fíflum

frettinPistlar1 Comment

Geir Ágústsson skrifar:

Serbneski tenn­is­leik­ar­inn Novak Djo­kovic fær ekki aðgöngu inn í Bandaríkin til að taka þar þátt í móti því all­ir er­lend­ir borg­ar­ar sem koma til Banda­ríkj­anna þurfa að sýna fram á að þeir séu bólu­sett­ir fyr­ir kór­ónu­veirunni, sem Djo­kovic er ekki.

Bandaríska alríkið er hérna að gera sig að fífli og rýra gæði stórmóts sem á að vera vettvangur þeirra bestu en er það ekki.

Og ég sem hélt að íþróttahreyfingin væri að berjast gegn lyfjanotkun? Nei, hún er greinilega byrjuð að heimta hana.

Sprauturnar virka ekki og eru þar að auki hættulegar í sjálfu sér. Mér heyrist á þeim sem ég hef talað við að fæstir ætli að láta draga sig í fleiri sprautur óháð því hvort viðkomandi sé búinn að fara í eina, tvær eða þrjár. Núna segir fólk stopp, nema auðvitað þeir sem horfa hvað mest á sjónvarpsfréttir og láta eitra á sér heilann eða þeir sem eru að sprauta sig gegn sóttvarnaraðgerðum (frekar en veiru).

Veirunni er loksins leyft að ganga á meðal þeirra sem þola hana að öllum líkindum og hjarðónæmi að byggjast upp.

Áhættuhópar hafa verið þekktir frá upphafi. Engu að síður talar jafnvel ungt og hraust fólk um að „lifa af“ veiruna. Þessi risavaxni aðskilnaður milli raunveruleikans og upplifunar fólks af honum er eitthvað að minnka.

En er þetta búið? Það er ekkert víst. Páskar eru handan við hornið. Þarf ekki að aflýsa þeim einhvern veginn? Þessi ungmenni hafa ekki gott af þessum skíðamótum! Og munum að ekki er nema um 1,5 mánuður síðan sóttvarnalæknir Íslands lagði til "lockdown". Er öruggt að hann sé kominn í langt og verðskuldað frí eða gæti hann skotið upp kollinum aftur og skrifað minnisblað?

Og lokað þig inni, aftur.

One Comment on “Á meðan Evrópa vaknar gera Bandaríkjamenn sig að fíflum”

  1. Í ljósi þess að við höfum aldrei áður haft jafn greiðan aðgang að upplýsingum, réttum eða röngum, að þá er nokkuð ljóst að mannkynið er nú að ganga inn í sína myrkustu tíma. Sársaukinn að lifa og horfa upp á þetta stórslys án þess að fá rönd við reist er óbærilegur.

Skildu eftir skilaboð