Fjárfestirinn Edward Dowd segir FDA vera með í yfirhylmingu á Pfizer rannsókn

thordis@frettin.isErlentLeave a Comment

Robert F. Kennedy Jr. tók viðtal við fyrrum ráðgjafa fjárfestingafélagsins BlackRock, Edward Dowd. Þar ræddu þeir fjárhagslegar og siðferðislegar afleiðingar svikinna gagna úr COVID-19 bóluefnarannsóknunum.

Dowd, sem var framkvæmdastjóri hjá BlackRock frá 2002 til 2012, sagði að það sem fyrst fékk hann til að skoða málið var þegar Matvæla- og lyfjaeftirlit Bandaríkjanna (FDA) tilkynnti að stofnunin myndi ekki opinbera nein rannsóknargögn í 75 ár. „Þá vissi ég að eitthvað væri ekki í lagi.”

Dowd sagði við Kennedy:

„FDA er með í að hylma yfir, eitthvað hefur farið úrskeiðis. Hin vísbendingin um að ekki væri allt með felldu, var í nóvember á síðasta ári, þegar vinur minn úr líftækniiðnaðinum komst að því að „lokapunkt dánartíðni af öllum orsökum” (e. all-cause mortality endpoint) vantaði í upprunalegu klínísku prófanir Pfizer.” Þetta var ekki til staðar í nóvember 2020, í öllum lúðrablæstrinum, þegar menn voru að missa sig yfir 95% virkni bóluefnisins.

Dowd komst að þeirri niðurstöðu að „FDA hafi í raun ekki skoðað þessi klínísku rannsóknargögn“ en hraðaði þeim í gegn vegna pólitísks þrýstings eða „kannski voru það beinar mútur,“ en hvort sem það var, sagði hann, hefðu þessi bóluefnin aldrei átt að vera samþykkt.

Kennedy og Dowd ræddu hvernig rannsóknargögnum var hagrætt til að láta þau líta út fyrir að bóluefnin væru áhrifarík þegar raunveruleg gögn sýndu annað.

Kennedy sagði:

„Það sem þetta þýðir í raun er að þú þarft að gefa 22,000 bólusetningaskammta til að koma í veg fyrir eitt COVID-dauðsfall. Og ef þú ætlar að gefa 22.000 skammta, þá er betra að tryggja að bóluefnin drepi engan, því ef ein manneskja deyr þá er allur ávinningurinn horfinn.“

Kennedy lýsti því hvernig bóluefnaframleiðendur misnotuðu gögnin og fréttirnar til að hámarka hagnað. Hann spurði Dowd hvers vegna hann teldi að það muni hafa afleiðingar.

Dowd svaraði:

„Ég held að það séu nægar sannanir til að rannsaka fölsun í klínískum gögnum og hlutdeild FDA í málinu … það sorglega við þetta allt saman er að við þurftum að bíða eftir raunverulegum sönnunargögnum. Og raunveruleikinn eru svo hræðilegur að almenningur á eftir að reiðast. Og þó svo að helstu fjölmiðlar fjalli ekki um málið enn sem komið er, þá munu þeir gera það. Það er ekki hægt að fela þetta lengur.“

Dowd sagði líka við Kennedy: „Fjárfestar eru smám saman að vakna til vitundar um að eitthvað er ekki í lagi“ og sumir eru að selja hlutabréf sín í Pfizer og Moderna.

Hann sagði einnig að þegar vátryggingaiðnaðurinn verði var við svikin muni það hafa frekari afleiðingar:

„Það er iðnaður sem hefur verið svikinn, það eru tryggingafélögin. Þau eru nú að greiða fyrir umfram dauðsföll vegna vöru sem drepur. Og þau munu greiða fyrir margra ára örorku vegna bóluefnaskaða. Ég held að þau muni ekki sætta sig við það þegar þeir átta sig á hvað hefur gerst.“

„Vátryggingaiðnaðurinn verðlagði þetta ekki, það er vandamálið. Þannig að þetta er svo gífurlega mikill fjöldi og skaði sem á eftir að vara í mörg ár, fyrirtækin munu skaðast fjárhagslega með tímanum.“

Kennedy og Dowd ræddu einnig hvers vegna hið ranga „narratíf" í kringum COVID er við það að molna.

Kennedy fjallaði um tregðu fólks til að efast um læknastéttina og lyfjaiðnaðinn:

„Helstu viðbrögðin sem maður vær, eða ég að minnsta kosti, er þegar ég reyni að útskýra málið fyrir ástvinum, fjölskyldu og vinum: „Við trúum þessu ekki. Það eru milljón læknar þarna úti og þú ert að segja að þeir séu allir þátttakendur í samsæri? Að þeir viti allir að þeir eru að gefa fólki þetta eitur og að þeir eru að drepa fólkið? Það er engin leið að það geti gerst.“

„Og það sem ég segi er að læknarnir vita það ekki, þeir trúa því sem CDC og FDA segja þeim. Allskonar upplýsingar. Mjög fáir þeirra eru í raun að lesa ritrýndu greinarnar.“

„Við hugsum sjálfstætt og spyrjum yfirvöld.“

Viðtalið má sjá hér.

Skildu eftir skilaboð