Fyrirsætan Jenna Jameson hefur sett fram þá kenningu að þegar leikarinn Will Smith sló grínistann Chris Rock á Óskarsverðlaunahátíðinni, hafi verið um að ræða sviðsett atriði. Það hafi verið skipulagt af lyfjafyrirtækinu Pfizer sem var kostandi hátíðarinnar og tilgangurinn hafi verið að auglýsa nýtt lyf frá Pfizer við hárlosi.
Á Óskarsverðlaunahátíðinni á sunnudaginn sást Smith slá Rock í andlitið á sviðinu eftir að Rock gerði grín að krúnurakaðri eiginkonu Smith, Jada Pinkett Smith.
Í kjölfar atviksins var mikið rætt um að "G.I. Jane" brandarinn sem Rock sagði væri viðkvæmt mál þar sem Pinkett Smith hefur opinberlega sagt frá því að hún væri að glíma við hárlos vegna ónæmissjúkdómsins Alopecia.
Þó að umræðan í kjölfarið hafi að miklu leyti beinst að því hafi fengið Smith til að bregðast við eins og hann gerði, og viðurlaga sem hann gæti þurft að sæta, hefur fyrrum fyrirsætan Jenna Jameson sett fram þá kenningu að nýtt hárloslyf Pfizer væri ástæðan.
Í Instagram færslu í vikunni deildi Jameson skjáskoti af færslu á samfélagsmiðlum þar sem fjallað var um grein frá Fierce Biotech í ágúst 2021 og greint var frá jákvæðum rannsóknarniðurstöðum á þessu nýja hárloslyfi Pfizer.
Jenna Jameson deildi mynd af forstjóra Pfizer á Instagram og skrifaði: „Hvernig getum við fengið heiminn til að tala um hárlos? Hey! Ég er með hugmynd.... ef það væri bara minnst á hárloslyfið á Óskarnum og þeir myndu sviðsetja „kinnhests-hátíð.“ Pfizer styrkti Óskarinn....“
Styrktaraðili Óskarsverðlaunahátiðarinnar, Pfizer, sagði að atriðið hafi ekkert haft að gera með nýja hárloslyf fyrirtækisins.
„Það eru nákvæmlega engin tengsl og að gefa það í skyn er fáránlegt,“ sagði talsmaður Pfizer við Newsweek. „Pfizer er stoltur styrktaraðili hátíðarinnar og okkur þykir vænt um að sjá kvikmyndaiðnaðinn og aðdáendur koma saman, til að fagna hæfileikum og listsköpun sem átti sér stað á síðasta ári.“
„Tiltæk gögn halda áfram að sýna að víðtæk notkun á COVID-19 bóluefnum og örvunarsprautum geti hjálpað til við að koma í veg fyrir sjúkdóma og bjargað mannslífum og fjárstuðningur okkar undirstrikar hvaða áhrif þau [bóluefnin] geti haft fyrir einstaklinga sem vilja komast áfram í lífinu.
„Kvikmyndaiðnaðurinn hefur fagnað bólusetningum, grímunotkun og öðrum aðgerðum sem ætlað er að koma í veg fyrir sjúkdóma og alvarleg veikindi af völdum COVID-19 og við erum ánægðir með að vinna með þeim [kvikmyndaiðnaðinum] til að efla lýðheilsu enn frekar,“ segir í svari talsmanns Pfizer.
Jameson hefur í nokkra mánuði glímt við Guillain-Barré sjúkdóminn og leiddi til þess að hún var lögð inn á sjúkrahús í nokkrar vikur og hefur verið í hjólastól síðan. Hún hefur verið í endurhæfingu í von um að endurheimta mátt í fótleggina.
2 Comments on “Jenna Jameson: „Atriðið var sviðsett og skipulagt af Pfizer sem kostaði Óskarinn“”
Ég trúi öllu upp á þetta fyrirtæki. Þeir hafa hlotið fjölmarga dóma vegna lyfja sem þeir hafa sett á markað án nægilegra rannsókna gegnum árin. Og þetta fyrirtæki hefur engan áhuga á að fólk sé við góða heilsu. Því er alveg öfugt farið, þeir vilja þvert á móti slæma heilsu til að selja meira og trúlega eru þeir núna að finna til lyf við hjartabólgum og annari óáran eftir ónýt bóluefni sín.
og við erum ánægðir með að vinna með þeim [kvikmyndaiðnaðinum] til að efla lýðheilsu enn frekar,“ segir í svari talsmanns Pfizer. Einmitt – til þess að efla lýðheilsu en ekki til þess að heilaþvo almenning, þeirra lyf eru að byrtast í all-mörgum þáttum þar sem við sjáum t.d. persónur í ýmsum þáttum með allskonar lyfjaglös á náttborðunum og hægt og rólega sogast þetta í okkar undirvitund um að þetta sé eðlilegt líferni.