Upptöku frá AstraZeneca lekið – forstjórinn sagði ónæmisbælda ekki mega fá bóluefnið

frettinErlentLeave a Comment

Project Veritas hefur fengið í hendur upptöku af Zoom fundi lyfjafyrirtækisins AstraZeneca frá því í desember 2020 þar sem heyra má forstjóra fyrirtækisins, Pascal Soriot, segja: „Ekki er hægt að bólusetja milljónir ónæmisbældra manna ... Mótefnameðferð hefur gríðarlega möguleika.“

Ef þú ert með ónæmissjúkdóm, lúpus eða einhvern annan ónæmissjúkdóm máttu ekki ...eða MS, máttu ekki fá bólusetningu,“ segir Pascal Soriot í upptökunni. „Þar af leiðandi eru eru milljónir manna í heiminum sem munu þurfa annars konar vernd en frá bóluefninu. Þannig að langtíma mótefnameðferð hefur gríðarlega möguleika,“ bætti Soriot við í myndefni sem aldrei hefur áður sést eða heyrst.

Vitað var að einstofna mótefnameðferðir skiluðu árangri tiltölulega snemma í COVID-19 heimsfaraldrinum og sum ríki í Bandaríkjunum fóru fljótt að nota það sem vörn í fremstu víglínu. Samt sem áður mælti alríkisstjórnin gegn notkun þessara meðferða og þrýstu á bólusetningar, meðal annars hjá milljónum ónæmisbældra einstaklinga.

Í myndbandi sem birt var á þriðjudagseftirmiðdegi spyr James O'Keefe stofnandi Project Veritas: „Ef forstjóri eins stærsta lyfjafyrirtækis heims gerði sér grein fyrir því árið 2020 að mótefnameðferðir væru nauðsynlegar fyrir ónæmisbælda, hvers vegna þvinguðu þá stjórnvöld um allan heim bóluefninu upp á alla, þegar milljónum manna stafaði hætta af því?“

Í ráðleggingu Alþjóðaheilbrigðismálastofnunarinnar (WHO), 16. mars 2022, staðfesti stofnunin þá afstöðu sína að AstraZeneca bóluefnið væri öruggt fyrir ónæmisbælda einstaklinga. „Það skal tekið fram að tveir skammtar af þessu bóluefni eru taldir hafa meiri vörn gegn þeim afbrigðum sem við höfum áhyggjur af, heldur en einn skammtur,“ segir í ráðleggingu WHO. „Í framhaldi af þessu mælti SAGE [ráðgjafahópur sérfræðinga um bólusetningar] að þeir sem væru miðlungs eða alvarlega ónæmisbældir yrði boðið upp á viðbótarskammt af bóluefni.

Þegar þetta er skrifað hefur AstraZeneca enn ekki svarað ósk um athugasemd við upptökunni, segir á vefsíðu Project Veritas.

Upptökuna má sjá hér:


Skildu eftir skilaboð