Hvar eru upplýsingar um áhrif þess að sprauta 5 – 11 ára börn fyrir Covid 19?

frettinInnlendar2 Comments

Eftir Stefni Skúlason verkfræðing. Greinin var fyrst send á Morgunblaðið en hefur ekki verið birt þar:

„Þegar þetta er skrifað þá eru nýjustu gögn um nýgengi eftir aldri og bólusetningu á covid.is frá 7. febrúar 2022...Þessi gömlu gögn gefa til kynna að sprauturnar hafi engin áhrif.“

Samkvæmt covid.is eru 20% íslenskra barna á aldrinum 5–11 ára búin að fá eina sprautu gegn Covid 19 og 38% búin að fá tvær sprautur, sem þýðir að 42% barna hafa ekki verið sprautuð. Miðað við þá einhliða umfjöllun sem birst hefur í fjölmiðlum fyllist ég framtíðarvon í ljósi þess að stór hluti foreldra virðist geta hugsað sjálfstætt og séð í gegnum áróðurinn sem á sér engan stuðning í veruleikanum. Á móti er líklegt að foreldrar jafnvel helmings þeirra barna sem ekki fóru í sprautu hafi tekið þá ákvörðun vegna þess að barnið var þegar búið að fá Covid. Undanfarnar vikur hafa 8% barna í þessum hópi verið sprautuð. Þessi viðbót vekur ugg hjá mér. Eru þetta börn sem gátu ekki fengið sprautuna á sama tíma og önnur börn þar sem þau voru nýlega búin að fá Covid 19? Fyrir ekki svo löngu hefði mjög fáum læknum dottið það í hug að bólusetja einstakling við veiki sem hann hefði nýlega fengið.

Aðeins 67% barna sem fóru í sprautu þáðu tvær sprautur. Þetta vekur upp margar spurningar. Ef aðrir aldurshópar eru skoðaðir þá er þetta hlutfall því sem næst 99%. Hvað veldur? Stærsta ástæðan er líklega sú að börn hafi fengið Omicron eftir fyrstu sprautu. Vonandi hefur ástæðan ekki með aukaverkanir að gera. Upplýsingar um þetta eru til en við fáum þær ekki. Hver er ástæðan fyrir því?

Þegar þetta er skrifað þá eru nýjustu gögn um nýgengi eftir aldri og bólusetningu á covid.is frá 7. febrúar 2022 og eru því að tveggja mánaða gömul. Þessi gömlu gögnin gefa til kynna að sprauturnar hafi engin áhrif. Til viðbótar eru upplýsingar á covid.is vísvitandi gallaðar. Gallinn felst í því að allan tímann frá fyrstu sprautu þangað til 14 dagar eru liðnir frá sprautu númer tvö er viðkomandi flokkaður sem „ekki fullbólusettur“. Það eru ekki til staðar sérstakar upplýsingar um þá sem ekki hafa fengið neina Covid-sprautu heldur eru þeir settir í flokk með einsprautuðum og þeim sem ekki teljast fullbólusettir.

Þær upplýsingar sem hægt er að nálgast t.d. frá Skotlandi og Danmörku benda til þess að þeir sem hafa þegið sprautur séu líklegri til að veikjast af Omicron og má telja líklegt að það sé ástæðan fyrir því að þessar upplýsingar eru ekki lengur uppfærðar á covid.is. Það er síðan vel þekkt að í það minnsta fyrstu 14 dagana eftir fyrstu sprautu er ónæmiskerfið bælt og viðkomandi því líklegri til að smitast, ekki bara af Covid, heldur einnig af öðrum umgangspestum. Það er trúlegt að þetta hafi haft mikil áhrif því að smit voru mjög útbreidd hér á landi þegar fyrsta sprauta var gefin börnum.

Um þessar mundir koma fréttir um að mikið sé að gera hjá Barnaspítalanum og barnalæknaþjónustum. Það er líklegt að hræðsluáróðurinn sem stundaður hefur verið geri það að verkum að foreldrar treysta sér ekki til að meta veikindi barna sinna og leiti því í auknum mæli til lækna. Við höfum ekki upplýsingar um hvort þau börn sem þurfa á þjónustu að halda vegna Covid eða annarra öndunarfærasýkinga eins og inflúensu séu í meirihluta sprautuð eða hvort eitthvað hafi breyst varðandi veikindi þeirra. Þó má telja líklegt að svo sé þar sem stjórnvöld og fjölmiðlar hafa allan tímann reynt að tala upp virkni sprautanna – en lítið fer fyrir slíkum fréttum nú.

Það er augljóst að kostnaðurinn við þessa sprautuherferð hjá börnum er hár og þá er ég ekki bara að tala um kostnað vegna aukaverkana. En við vitum að börn í þessum hópi hafa orðið fyrir skaða og við þurfum að fá greinargóða úttekt á þeim skaða. Árangurinn er líklega neikvæður hvað Covid-veikindi varðar þar sem ekkert hefur verið fjallað um hann. Það er einnig öruggt að aukin veikindi t.d vegna inflúensu hefur með þetta að gera. Í ljósi þessa fer ég fram á að heilbrigðisráðherra stofni sem fyrst óháða rannsókn sem taki þetta út. Ég skora jafnframt á fjölmiðlafólk að girða sig í brók og sjá til þess að þetta verði gert upp. Við skuldum börnum okkar það. Nóg hafa þau þurft að þola í þessi rúmlega tvö ár að ástæðulausu.

2 Comments on “Hvar eru upplýsingar um áhrif þess að sprauta 5 – 11 ára börn fyrir Covid 19?”

  1. Er enginn að spurja af hverju forsprakki covid-vaccine heims-sölu, Pfizer CEO, er dýralæknir?

  2. Ég veit um 16 ára íslenskan dreng sem er með skaða eftir covid-19 sprautuna..
    Hann getur ekki lengur setið við tölvu, né haldið á síma og öll hljóð fara illa í hann. 😑
    Guð hjálpi honum og hans fjölskyldu ❤

Skildu eftir skilaboð