Bretar hafa stofnað undirskriftasöfnun þar sem farið er fram á það við breska þingið og ríkisstjórnina að þau rannsaki hvort verulega aukin tíðni hjartaáfalla tengist Covid-bólusetningum.
Fjöldi undirskrifta þarf að ná 100 þúsund til að þingið taki málið mögulega til umræðu. Þessa stundina nálgast fjöldinn 72 þúsund og aðeins undirritanir breskra ríkisborgara og þeirra sem hafa dvalarleyfi í Bretlandi teljast gildar.
Í undirskriftasöfnuninni segir:
Veruleg aukning hefur orðið á hjartaáföllum og öðrum tengdum heilsufarskvillum frá því að Covid-19 bólusetningar hófust árið 2021. Þetta þarfnast tafarlausrar og ítarlegrar rannsóknar til að komast að því hvort þarna sé möguleg tenging við Covid-19 bóluefnin.
Það er skylda stjórnvalda að tryggja að læknisfræðilegar meðferðir sem ráðlagðar hafa verið við kórónuveirunni séu öruggar. Við teljum að vaxandi fjöldi tilfella á hjarta-og æðasjúkdómum frá því að Covid-19 bólusetningar hófust sé nægilegt áhyggjuefni til að framkvæma allsherjar rannsókn.