Rannsókn á aukaverkunum eftir Covid-bólusetningar stendur nú yfir við háskólasjúkrahúsið Charité í Berlín.
Fjöldi alvarlegra fylgikvilla eftir Covid-bólusetningar eru 40 sinnum meiri en tilkynnt hefur verið til Paul Ehrlich stofnuninni (PEI), undirstofnun þýska heilbrigðisráðuneytisins.
Þetta er ein af niðurstöðum langtímarrannsóknar Charité. Stjórnandi rannsóknarinnar Dr. Harald Matthes, kallar nú eftir frekari úrræðum fyrir þá sem hafa skaðast af Covid-bóluefnum:
Rannsókn með um 40 þúsund þátttakendum
Rannsóknin „Öryggislýsing á Covid bóluefnum“ (Sicherheitsprofil von Covid-19-Impfstoffen), sem fjallar um áhrif og aukaverkanir hinna ýmsu Covid-bóluefna, hefur staðið yfir í eitt ár. Rætt var við um 40.000 bólusetta einstaklinga með reglulegu millibili um allt Þýskaland. Þátttaka í rannsókninni var valfrjáls og óháð því hvernig bóluefnin virkuðu á þátttakendur.
Ein af niðurstöðunum er: átta af hverjum 1.000 bólusettum glíma við alvarlegar aukaverkanir. „Fjöldinn kemur ekki á óvart,“ útskýrði Dr. Harald Matthes: „Hún samsvarar því sem þekkist í öðrum löndum eins og Svíþjóð, Ísrael og Kanada. Meira að segja höfðu framleiðendur bóluefnanna þegar ákveðið svipuð gildi í rannsóknum sínum. Hvað hefðbundin bóluefni varðar, eins og gegn lömunarveiki eða mislingum, er fjöldi alvarlegra aukaverkana verulega minni.
Professor Harald Matthes yfirmaður rannsóknarinnar
Sumar aukaverkanir vara í marga mánuði
Alvarlegar aukaverkanir eru einkenni sem vara í margar vikur eða mánuði og krefjast læknismeðferðar. Má þar nefna vöðva- og liðverki, hjartavöðvabólgu, ofsafengin viðbrögð ónæmiskerfisins og taugasjúkdómar, þ.e. skerðing á taugastarfsemi. „Flestar aukaverkanir, þar á meðal alvarlegar, hverfa eftir þrjá til sex mánuði, 80 prósent jafna sig. En því miður eru líka tilfelli þar sem aukaverkanirar vara miklu lengur,“ sagði Dr. Matthes.
Um 179 milljónir Covid 19 bóluefnaskammta hafa verið gefnir í Þýskalandi. „Í ljósi hálfrar milljón tilfella af alvarlegum aukaverkunum eftir bólusetningar í Þýskalandi, verðum við læknar að grípa til aðgerða,“ lagði prófessorinn áherslu á.
„Við verðum að koma á meðferðarúrræðum, ræða þau opinskátt á þingum og opinberlega án þess að vera álitin andstæðingur bólusetninga.“
Það verður að taka fórnarlömbin alvarlega
Það er sérstaklega niðurdrepandi fyrir þá sem verða fyrir skaða að kvartanir þeirra skuli oft á tíðum ekki vera teknar alvarlega. Læknar á einkastofum tengja einkennin oft ekki við bólusetningarnar vegna þess að þeir voru annað hvort ekki undirbúnir eða vegna þess að þeir vildu ekki stíga inn í heita pólitíska „stemningu.“
Um þetta vitna einnig mörg bréf sem Dr. Matthes fékk frá einstaklingum sem hafa orðið fyrir aukaverkunum og lýsa oft mánaðarlangri leit að árangursríkri læknismeðferð og viðurkenningu [á orsakatengslum]. Bréfin sýndu að grunur um aukaverkanir eru ekki tilkynntar opinberlega. Og því er fjöldi tilkynntra alvarlegra auakverkana hjá Paul Ehrlich stofnuninni, 0,2 á hverja 1.000 bóluefnaskammta, sem er verulega lægra hlutall en rannsókn Charité sýnir.