Arnar Sverrisson skrifar:
Russell L. Blaylock (f. 1945) er bandarískur taugaskurðlæknir. Hann er einn þeirra mörgu, sem varpa hulunni af bólusetningablekkingunni í grein, sem tímaritið „Surgical Neurology International“ birti á dögunum. Greinin er allrar athygli verð og á erindi til allra, sem vilja kíkja baksviðs í Covid-19 heimsfaraldursleikritinu. Hér fylgja nokkrar glefsur úr grein Russel:
„Sjaldan hefur smitsjúkdómi áður verið svo hagrætt í veraldarsögunni eins og raun ber vitni um Covid-19 heimsfaraldurinn. [Hagræðingin] einkennist af stríðum straumi opinberra lyga stjórnvaldsskrifræðis, læknasamtaka, heilbrigðisnefnda, fjölmiðla og alþjóðlegra stofnanna.
Við höfum orðið vitni að margs konar átroðningi gagnvart læknum, þ.m.t. árásir á sérfræðinga í læknavísindum, eyðileggingu starfsframa lækna, sem kinokað hafa sér við að lífláta sjúklinga sína, ásamt gagngerum tilskipunum um veitta heilbrigðisþjónustu. [Tilskipanirnar] koma frá fólki með geysileg auðævi minni handanna, sem eru valdamiklir og áhrifaríkir.“ …
„Er von til þess, að sannreynd vísindi, vandvirknislega gerðar rannsóknir, reynsla af lækningum og heilunarrökvísi, dugi til að stöðva þessi gagnlausu og hættulegu bóluefni? Því fer víðs fjarri.“ …
„Milljónir manna hafa verið drepnar af ásettu ráði og þær gerðar örkumla. Það er ekki einungis af völdum þessarar manngerðu veiru, heldur vegna bóluefnisins sjálfs, og hinna grimmilegu aðgerða, sem stjórnvöld gripu til, svo hemja mætti útbreiðslu heimsfaraldursins.“ …
„Þrátt fyrir, að þaggað hafi verið niður í lunga rannsakanda, veirufræðinga, sýkingasjúkdómafræðinga og faraldsfræðinga, gengur nú fjöldi heilsteyptra einstaklinga með gríðarlega sérþekkingu fram fyrir skjöldu og miðlar sannleikanum – þ.e. að þessi bóluefni eru lífshættuleg.“ …
„Fyrri reynsla af flensubóluefnum sýnir, svo ekki verður um villst, að öryggisrannsóknir, unnar af rannsakendum eða starfandi læknum með tengsl við lyfjafyrirtækin, voru í grundvallaratriðum annað tveggja, illa unnar eða skipulagðar af yfirlögðu ráði, til að falsa og drepa á dreif aukaverkunum og vandamálum.“
Að sumu leyti er sprautan eins og rússnesk rúlletta, því í ljós hefur komið, að bóluefni í ákveðnum framleiðslueiningum steindrepa, þ.e. ein eining af tvö hundruð í vörusendingu.
Nýlega var gerð eftirtektarverð rannsókn við Kingston háskólann í Lundúnum. Rannsakandinn „kannaði öll framleidd bóluefni – Pfizer, Moderna, Johnson og Johnson (Janssen) og svo framvegis. Hann komst að þeirri niðurstöðu, að meðal tvö hundruð framleiðslueininga af bóluefnum frá Pfizer og hinum framleiðendunum, væri ein eininganna fimmtíufalt banvænni en bóluefni í öðrum einingum og öðrum bóluefnasendingum.
Bóluefni úr hinum framleiðslueiningunum ullu einnig dauða og örkumlun, en ekki í nándar nærri eins miklum mæli. Ef ekki væri um ásetning að ræða, ættu þessar [banvænu] einingar að koma tilviljunarkennt fyrir meðal allra „bóluefnanna.“ Engu að síður sýndu niðurstöður hans, að fimm af hundraði bóluefnanna skýrðu níutíu af hundraði alvarlegra fylgikvilla, dauðsföll þar með talin.“ …
„Það kynni að hafa valdið áhyggjum eða jafnvel skotið hönnuðum þessa heimsfaraldurs skelk í bringu, að krufning gæti sem hægast - eins og kom í ljós - sýnt fram á, að hin svokölluðu Covid-19 dauðsföll skýrðust í raun og sann af undirliggjandi sjúkdómum.“ Eins kynnu krufningar að hafa leitt í ljós, að dánarorsök þeirra, sem heilbrigðir voru fyrir sprautu, væri bóluefnið sjálft.
„Öll lifum við á méli afdrifaríkra breytinga í menningu vorri, efnahagskerfi sem og stjórnmálakerfi þjóðar vorrar eins og annars staðar í veröldinni. Okkur er sagt, að aldrei verið aftur snúið til lífsins, sem var, og að ráðgerð hafi verið hin mikla endurreisn „nýrrar heimsskipunar.“
Umfjöllun greinarhöfundar um þátt lyfjafyrirtækjanna við kaup á sjúkrahúsum, fjárhagsstuðning og eignarhald á fjölmiðlum og fagtímaritum, er ítarleg. Hann skoðar sömuleiðis vinnubrögð sannleikshafanna eða sannleiksfyrirtækjanna (e. fact checkers).
Umfjöllun um hvaðeina, sem stjórnvöldum og öðrum hagsmunaaðiljum er á móti skapi, segja sannleiksfrömuðirnir afsannað eða að um sé að ræða samsæriskenningu eða goðsögn.
Engu að síður hafa flestar samsæriskenninganna, sem fram hafa verið settar af kunnáttumönnum, reynst réttar, t.d það, að bólusettir smiti, en ekki þeir, sem öðlast hafa náttúrlegt ónæmi og að bólulyfið valdi skaða á sjálfu erfðaefninu, DNA. Það hefur verið þvertekið fyrir. M.a. er skrifuð um það lærð grein á Vísindavefi HÍ. Það er af mörgu fleira að taka.
Heimildir: