Russia-Hoax – Rússafár á hendur Donald J. Trump sem kosinn var forseti í nóvember 2016 var úr smiðju Demókrata og kosningastjórn Hillary Clinton. William Sussman launuður útsendari framboðs Hillary er fyrir rétti ákærður fyrir að bera ljúgvitni fyrir FBI. Ásakanir á hendur Trump um að hann væri útsendari Pútins hrundu af stað ofsóknum fjölmiðla í samfellt þrjú ár. Trump var sagður Rússaleppur sem hefði framið samsæri með Vladimir Pútin um að kosningasvindl 2016.
Sérstakur saksóknari Robert Muller leitaði dyrum og dyngjum að drullumixi en fann ekkert. Muller var með 19 lögmenn í vinnu, 40 FBI agenta, 2.800 stefnur, 500 húsleitir, 500 vitni. Muller hætti rannsókn 2019. Eftir Rússafár tók við Úkraínufár. Davózkir falsmiðlar í eigu billjónera og evrópskir ríkismiðlar breiddu lygina út. Réttarhöld standa yfir, saksóknari í málinu er John Durham. Robby Mook kosningastjóri Hillary bar vitni fyrir rétti fyrir helgina. Eftir vitnisburð Mook sagði Wall Street Journal í leiðara: “Hillary Clinton Did It.“
HILLARY “MOOKED“
Wall Street Journal segir jafnframt: ‘She approved a plan to plant a false Russia claim with a reporter.’ Hillary hafi valdið gríðarlegum skaða, varpað skugga á FBI, niðurlægt fjölmiðla og sent Ameríku í þriggja ára eltingarleik við lygi. WSJ segir að flestir fjölmiðlar vestanhafs hunsi nýjar upplýsingar. Hér á landi fjallar Morgunblaðið um málið svo og Sigurður Már Jónsson blaðamaður en embættismenn RÚV hunsa og þagga. Á RÚV starfa ekki fréttamenn heldur pólitískir handverksmenn ríkisins sem halda fram einni ríkisskoðun í anda Marteins Mosdals.
Rússafár úr smiðju Hillary birtist rúmri viku fyrir kosningarnar 2016 á fréttaveitunni Slate. Hillary tweetaði lygina og stormur ofsókna skall á nýkjörnum forseta. Robby Mook lýsti fyrir dómi að kosningastjórn Hillary: John Podesta, stjórnarformaður, Jennifer Palmieri pr-stjóri og Jake Sullivan núverandi þjóðaröryggisráðgjafi Biden hefðu tekið ákvörðun um Russia-Hoax. Mook kvaðst fyrir rétti hafa upplýst Hillary um málið og hún hefði samþykkt að senda gögn til fjölmiðla. Fjölmiðlar voru taldir áhrifaríkari en opinber rannsókn. Í Ameríku er nú talað um að Hillary hafi verið “mooked“. James Baker var aðallögfræðingur FBI þegar Sussman mætti sem ‘almennur borgari’ sem hefði áhyggjur af Rússa-daðri Trump. James Baker mun hafa gert ‘díl’ við Durham um upplýsingar og bera vitni gegn sakaruppgjöf. New York Post hefur upplýst að 50 FBI-agentar hafi tekið þátt í að hylma yfir með Biden-feðgum um tölvuna illræmdu sem í Ameríku er kölluð “lap-top from hell“.
Í vitnaleiðslum hefur komið í ljós að Mook samþykkti reikninga frá lögfirmanu Fusion GPS fyrir skjöl um Rússa-Hoax. John Podesta hefur eiðsvarinn játað að Demókrataflokkurinn og framboð Hillary hafi deilt kostnaði.
„ENDURHEIMT LÝÐRÆÐIS“
Í byrjun maí var frétt á RÚV um að Háskóli Íslands hafi fengið 420 milljónir króna til rannsókna á upplýsingaóreiðu og falsfréttum á netinu. Verkefnið kallast Horizon Europe. HÍ er í samstarfi við 13 evrópska háskóla. Peningarnir koma frá Brussel að sögn RÚV til að ‘endurheimta lýðræði‘. Maxmillian Conrad prófessor segir að vitað sé um áhrif Rússa á forsetakosningarnar 2016 og Brexitkosningarnar um útgöngu Breta úr ESB. Conrad er prófessor við HÍ. Hann segir vitað að Donald Trump segi ekki sannleikann en svo virðist sem kjósendum sé sama. Lausnin sé fjölmiðlalæsi og greining upplýsinga. Conrad ætlar að koma með „concret tillögur“ um að bregðast við óreiðu og falsfréttum. Kannski þarf prófessor Conrad sjálfur að læra að greina upplýsingar: sannleik frá orðrómi um vitað sé og svo virðist ...
Maxmillian Conrad