Samtökin Australia’s Vaccination Risk Network (AVN) eru að reyna að skapa fordæmi um allan heim í málsókn gegn ríkisstjórn Ástralíu, sem leitast við að halda áströlskum yfirvöldum ábyrgum fyrir veikindum og dauðsföllum af völdum covid-bólusetninga; og krefjast frestunar á öllum leyfum fyrir notkun covid-19 bóluefna.

Takist að vinna þessa mikilvægu málsókn er ekki ólíklegt að dómínó-áhrif muni eiga sér stað í kjölfarið um heim allan, í ljósi þess að forsenda neyðarleyfis tilraunabóluefnanna er sú sama á heimsvísu.

Í þessu samhengi má geta þess að lögfræðingurinn Aaron Siri sem mun vera AVN innan handar í þessum málsóknum leiðir lögfræðiteymi ICAN (Informed Consent Action Network) undirbýr álíka lögsókn gegn bandaríska ríkinu.

Hefur Aaron og hans lögfræðiteymi unnið fjölda málsókna er varða bólusetningar og bólusetningarskyldu, t.a.m. er það honum að þakka að lyfjarisinn Pfizer tapaði dómsmálinu er lyfjarisinn freistaði þess að fresta opinberun hinna leyndardómsfullu Pfizer-skjala um 75 ár, en skjölin innihalda allar upplýsingar um rannsóknir þær er fóru fram á Pfizer bóluefninu áður en FDA samþykkti notkun þess um heim allan.

Tugþúsundir blaðsíða úr skjölunum hafa nú verið birtar og óhætt að segja að víða leynist maðkur í bóluefna-mysunni. Meryl Dorey stofnandi samtakanna AVN og Katie Ashby Koppens, lögfræðingur samtakanna, voru í viðtali hjá Del Bigtree á Highwire sem sjá má hér neðar.