Vopnin frá Natólöndum seld á svarta markaði í Úkraínu

frettinHildur Þórðardóttir1 Comment


Zelensky hefur verið ötull við að biðja um fleiri vopn og peninga til Úkraínu síðan innrás Rússa hófst. Í þessum tilgangi hefur hann fengið beinan aðgang að þingmönnum víða um hinn vestræna heim og lýst af mikilli tilfinningu hversu Úkraínumenn þarfnast stuðnings Vesturlanda og þá sérstaklega vopna.

Vegna þess að Evrópubúar hlýða yfirleitt kalli þeirra sem eru í neyð streyma nú alls kyns vopn inn í Úkraínu. Þetta eru mikið til hátæknivopn sem krefjast mikillar þjálfunar og tækni. Hermenn á vígstöðvunum hafa hins vegar verið að kalla eftir byssukúlum í einfaldari vopn. Byssur eru gagnslausar ef engar eru kúlurnar. Þeir sem fá hátækni vopnin kunna ekki á þau, skilja ekki leiðarvísinn og eru að reyna að afla sér upplýsinga á Youtube um hvernig á að nota þau. New York Times og Toronto Star hafa fjallað um þetta, svo varla er þetta rússneskur áróður.

Fæstir þessara manna hafa fengið nokkra herþjálfun. Þetta voru venjulegir menn sem unnu á skrifstofum eða í verslunum og eina reynsla þeirra af bardaga er í gegnum tölvuleiki eða kvikmyndir. Nú voru þeim fengin vopn með örfáum byssukúlum og sagt að verja landið sitt án nokkurra frekari leiðbeininga.

Á síðustu tveimur vikum hafa margar herdeildir lagt niður vopn og tilkynnt á myndbandi að þeir séu hættir að berjast. Þeir segja að það vanti allt skipulag og leiðsögn hjá hernum, vopnin séu ónothæf eða þá vanti skotfæri og þeir vilji ekki hætta lífi sínu fyrir svona glæpastarfsemi. Jafnframt biðla þeir til almennings um að hafa áhrif á leiðtoga hersins um að hætta að senda menn út í opinn dauðann. Í síðustu viku höfðu 12 herdeildir lagt niður vopn.

En hvað verður þá um um nýju fínu vopnin sem berast í bílförmum til Úkraínu? Eftir að þau koma inn fyrir landamærin er ekki nokkur leið að rekja hvert þau fara eða í hvaða höndum þau enda. Hættan er að þau endi hjá hryðjuverkahópum.

Á sama tíma blómstrar svarti markaðurinn með vopn í Úkraínu. Samkvæmt Toronto Star var Úkraína árið 2021 þegar orðinn einn stærsti svarti markaðurinn með vopn í Evrópu. Þar má nú eimitt fá Javelin ATGM, sérlega gagnleg gegn skriðdrekum og nákvæmlega sams konar og verið er að senda til Úkraínu. Fyrsta boð í Javelin er 30.000 dollarar fyrir stykkið. Ansi góð fjáröflun það.

Það er því ekki skrítið að Zelensky skuli biðja um einkatíma hjá þingmönnum Vesturlanda til að smyrja þessa frábæru fjármögnunarleið. Sem þjálfaður leikari á hann auðvelt með að halda andlitinu og leika fórnarlamb, en skella svo upp úr um leið og slokknar á myndavélinni. "Helv* fíflin, þau trúa okkur alltaf."

Hvað verður um peninginn veit enginn ennþá, en líklegra er að Zelensky og félagar skjóti þeim undan í skattaskjólin áður en þeir láti sig hverfa. Zelensky nýtur engrar virðingar úkraínska hersins og Azov-liðar hafa sagst munu skjóta hann fá þeir færi á. Líklega mun Zelensky því ekki verða forseti mikið lengur eftir að stríðinu lýkur.

One Comment on “Vopnin frá Natólöndum seld á svarta markaði í Úkraínu”

  1. Svo bauð þingið þessu viðrini á alþingi Íslendinga og gaf honum milljarð, þvílík skömm og hneysa. Rússarnir eru löngu búnir að vinna þessa deilu. Sem betur fer, það er ekkert sýnt í þessum áróðursmiðlum hvernig almennir borgarar fagna rússneska hernum. Úkraína hefur verið miðstöð glæpamanna fyrir peningaþvætti, mannsal og annan óþverra í áraraðir, alveg ótrúlegt að ráðherrar séu svona vitlausir að styðja þetta. Virtue signalling er inn í dag og skipt út fyrir almenna skynsemi við hvert tækifæri að því virðist. Lítur svo vel út á við hjá vitleysingunum. Jæja þetta er orðið ágætt )

Skildu eftir skilaboð