Pfizer flokkaði nánast allar alvarlegar aukaverkanir í rannsóknum sem „ótengdar“ bóluefninu

[email protected]Erlent, Innlent1 Comment

Nýjustu skjölin sem bandaríska matvæla- og lyfjastofnunin (FDA) sendi frá sér sýna fjölmörg dæmi þess að þátttakendur hafi fengið alvarlegar aukaverkanir í þriðja stigs rannsóknum. Sumir þessara þátttakenda drógu sig út úr rannsóknunum, sumir voru látnir hætta og aðrir dóu.

80.000 blaðsíðna skjalabunkinn inniheldur umfangsmikil gögn af eyðublöðum með tilkynningum (Caase Report Forms)) úr þriðja fasa Pfizer rannsókna sem fram fóru á hinum ýmsum stöðum í Bandaríkjunum, auk annarra skjala sem varða þátttakendur í Pfizer-BioNTech bóluefnarannsóknum í Bandaríkjunum og um allan heim.

FDA birti hinn 1. júní skjöl sem lúta að neyðarleyfi (EUA) bóluefnisins og er hluti af birtingaráætlun Pfizer skjalanna samkvæmt kröfu dómstóla í kjölfar þess að samtökin(PHMPT), hópur lækna og lýðheilsustarfsfólks, lagði fram beiðni þess efnis fyrir dómstólum með vísan til upplýsingalaga (Freedom of Informationa Act - FOIA) í ágúst 2021.

Tilkynningarnar um aukaverkanir meðal þátttakenda í rannsóknunum sýna fram á dauðsföll og alvarlegar aukaverkanir af bóluefninu í þriðja stigs rannsóknum Pfizer.

Í þessum nýjasta skjalabunka eru lýsingar á sérstökum einkennum sem þátttakendur rannsóknarinnar upplifðu oft óljós en einnig kemur fram að Pfizer hafði tilhneigingu til að flokka næstum allar aukaverkanir, og sérstaklega alvarlegar aukaverkanir, sem ótengdar bóluefninu.

Til dæmis:

Kona á fimmtugsaldri (númer 86545) sem tók þátt í rannsókninni hjá Sterling Research Group í Cincinnati, Ohio, lést af völdum hjartadreps 4. nóvember 2020. Hún hafði fengið tvo skammta af bóluefninu, þann 10. og 29. september 2020.
Sjúklingurinn var með sjúkrasögu um langvinna lungnateppu, háþrýsting, skjaldvakabrest, slitgigt í hnjám og athyglisbrest. Dauði hennar var skráður sem „ótengdur“ bóluefninu og var þess í stað rakinn til „háþrýstings“ o.fl. Nánar má lesa um málið hér.

Sama fyrirkomulag hjá Lyfjastofnun Íslands?

Í þessu sambandi er athyglisvert að skoða síðu Lyfjastofnunar hér á landi. Þangað hafa t.d. verið tilkynnt 27 tilfelli þar sem grunur lék á að bóluefnið frá Pfizer hafi valdið dauða. Stofnunin tekur fram í öllum tilfellum nema einu, að manneskjan hafi ýmist verið gömul, veik eða hvorttveggja. Það sama er gert með hin Covid bóluefnin. Auk þess er ekki hægt að sjá hvers konar aukaverkanir eru tilkynntar til Lyfjastofnunar fyrir utan súlurit (ekki sundurliðað eftir bóluefnum) með enskum heitum sem sent er Lyfjastofnun Evrópu.

One Comment on “Pfizer flokkaði nánast allar alvarlegar aukaverkanir í rannsóknum sem „ótengdar“ bóluefninu”

  1. Að sjálfsögðu vilja yfirvöld, um heim allan, sem heimtuðu að fólk bólusettu sig með tilraunabóluefni alls ekki viðurkenna neinar alvarlegar aukaverkanir – jafnvel þó fjölmargir séu að glíma við hættulega fylgikvilla og sumir hafa jafnvel dáið. Mun fólk í háttsettum embættum verða sótt til saka fyrir glæp gegn mannkyninu? Líklegast ekki, enda vitum við hverjir stjórna umræðunni!

Leave a Reply