Nýfengnir tölvupóstar sem fengust afhentir með vísan til upplýsingalaga (Freedom of Information Act) staðfesta að Sóttvarnastofnun Bandaríkjanna (CDC) breytti skilgreiningu sinni fyrir bæði „bóluefni“ og „bólusetning“ vegna þess að fólk var að benda á að skilgreiningarnar virtust ekki eiga við um COVID-19 mRNA tilraunabóluefnin.
Alycia Downs starfsmaður CDC segir í tölvupósti til samstafsmanns 25. ágúst 2021: „Skilgreiningin á bóluefni sem við höfum birt er erfið og fólk notar hana til að halda því fram að COVID-19 bóluefnið sé ekki bóluefni, byggt á okkar eigin skilgreiningu“.
„Bóluefni“ hafði verið skilgreint að minnsta kosti frá árinu 2011 af CDC sem vara sem framkallar ónæmi, en „bólusetningu“ var lýst sem inndælingu á veiklaðri lífveru sem kemur í veg fyrir sjúkdóm, samkvæmt varðveittum eldri útgáfum af vefsíðu CDC og sjá mér hér að neðan:
Tölvupóstarnir sýna hins vegar að það kom fjöldi fyrirspurna um þessar skilgreiningar vegna þess að COVID-19 mRNA tilraunabóluefnin hafa reynst sífellt árangurslausari gegn sýkingu af vírusnum sem veldur COVID-19.
Einn skrifaði til CDC og sagði: „Spurning okkar er, hvernig er CDC og restinni af heiminum heimilt að kalla sprautuefnin bólusetningu þegar það uppfyllir ekki einu sinni ykkar eigin skilgreiningu“.
Þá skrifaði annar til CDC: „Hægri sinnaðir Covid-19 heimsfaraldursafneitarar nota skilgreiningu ykkar á „bóluefni“ til að halda því fram að mRNA bóluefni séu ekki bóluefni“.
Alycia Downs og samstarfsmenn hennar, Allison Michelle Fisher, Cynthia Jorgensen, Valerie Morelli og Andrew (eftirnafn ekki gefið upp) unnu að því að breyta skilgreiningum fyrir „bóluefni“ og „bólusetningu“ samkvæmt tölvupóstunum.
Breytingarnar voru gerðar 31. ágúst 2021 og 1. september 2021.
Breytingin á skilgreiningum - orðið „ónæmi“ tekið út
Svona eru skilgreiningar CDC á heimasíðu stofnunarinnar eftir breytingarnar:
„Bóluefni“ er nú skilgreint sem „blanda sem notuð er til að örva ónæmissvörun líkamans gegn sjúkdómum. Bóluefni eru venjulega gefin með nálarsprautum, en sum er hægt að gefa um munn eða með úða í nef,“ segir í skilgreiningunni.
Fyrri skilgreiningin var svona: „vara sem örvar ónæmiskerfi einstaklings til að framkalla ónæmi fyrir tilteknum sjúkdómi, sem verndar viðkomandi fyrir þeim sjúkdómi. Bóluefni eru venjulega gefin með nálarsprautum, en einnig er hægt að gefa það um munn eða með úða í nef.“
„Bólusetning“ var breytt í „gjörðin að setja bóluefni í líkamann til að framleiða vörn gegn ákveðnum sjúkdómi“ en fyrri skilgreiningin var „gjörðin að setja bóluefni í líkamann til að framleiða ónæmi fyrir ákveðnum sjúkdómi.
CDC notaði Washington Post í áróðursskyni
Tövupóstarnir og gögn þeim tengdum eru alls 67 blaðsíður og fengust afhent með vísan til upplýsingalaga (Freedom of Information Act).
Í tölvupóstunum kemur einnig fram að Andrew, starfsmaður CDC, hafi ýtti undir grein í Washington Post sem gerði lítið úr gagnrýni á breytinguna.
„Ég hef aðeins séð nokkrar fyrirspurnir um breytinguna á síðunni. Ég held að WaPo greinin útskýri vandann vel - að fólk sé að mistúlka „ónæmi“ þannig að það þýði 100% vernd“ skrifaði Andrew.
Alycia Downs svaraði: „Þakka þér fyrir, Andrew! Ég kann virkilega að meta svar þitt.”
CDC fullyrðir enn að mRNA tilraunaefnin veiti betra ónæmi en sýking!
Þrátt fyrir að hafa tekið út úr skilgreiningunni að bóulefni framkalli ónæmi er enn að finna á heimasíðu CDC fullyrðingar um að COVID-19 mRNA tilraunabóluefnin veiti ónæmi. Á einni síðu stendur til dæmis:„að fá COVID-19 bólusetningu er öruggari og áreiðanlegri leið til að byggja upp ónæmi fyrir COVID-19 en að veikjast af COVID-19.
Hér er hægt að lesa alla tölvupóstana.