Framkvæmdastjóri WHO vill Covid hysteríuna aftur og harmar minnkandi eftirspurn á bóluefni

frettinErlent, Pistlar1 Comment

„Ég hef áhyggjur af því að tilfellum af COVID-19 haldi áfram að fjölga, sem setur frekari þrýsting á heilbrigðiskerfi og heilbrigðisstarfsmenn. Ég hef líka áhyggjur af auknum dauðsföllum. Neyðarnefndin um COVID-19 fundaði á föstudaginn í síðustu viku og komst að þeirri niðurstöðu að vírusinn væri áfram lýðheilsuneyðarástand sem veldur alþjóðlegum áhyggjum,“ sagði Tedros Adhanom, framkvæmdastjóri WHO.

Tedros hélt áfram og sagði nefndina hafa áhyggjur af undirafbrigðum Omicron sem flestir hafa aldrei heyrt um vegna þess að þeir hafa hætt að hlusta á COVID fréttir eftir að takmarkanir hættu að mestu. Hann bætti við að tilfellum hefði fjölgað á sama tíma og hann hélt því fram að ekki væru nægar sýnatökur eða eftirlit til að ákvarða alvarleika COVID.

Þá harmaði hann minnkandi upptöku bóluefnis og sagði að það væru ekki nærri nógu margir að fá sinn annan, þriðja, fjórða, fimmta … örvunarskammt.

Tedros mælir með því að lönd snúi aftur til daga grímuskyldu, lögboðinna COVID-prófa og fjöldaeftirlits.

„Þegar sjúkrahúsinnlögnum og smitum fjölgar verða stjórnvöld einnig að beita reyndum og prófuðum aðgerðum, svo sem grímu (sjá hér um gagnsleysi grímunotkunar), bættri loftræstingu og prófunar- og meðferðarreglum,“ sagði Tedros. „...Ríkisstjórnir ættu líka að vinna að því að draga aftur úr takmörkunum þeirra á eftirliti, prófunum og raðgreiningu og deila veirulyfjum á áhrifaríkan hátt.

Hann endaði með því að hrósa bóluefninu, ráðleggja stjórnvöldum að fara enn og aftur á eftir óbólusettum og lýsa því yfir að heimsfaraldrinum væri ekki lokið.

Athygli vekur að Tedros ræddi ekki skaðsemi eða gagnsleysi tilraunabóluefnanna sbr. t.d. þessa rannsókn frá Harvard háskólanum.  Né heldur fjallaði hann um það hvers vegna tilraunabólusetningarnar hefðu ekki skilað þeim árangri sem almenningi var lofað og þá staðreynd að sprautaðir séu að veikjast og deyja í stórum stíl.

Yfirlýsing forstjóra WHO kemur ekki á óvart í ljósi þess að WHO hefur verið breytt í gróðafyrirtæki og er fjármagnað að langstærstum hluta hluta af aðilum sem hafa gróðasjónarmið að markmiði frekar en lýðheilsu. Þá hefur WHO gengið illa að hræða almenning með apabólunni sem nýjum heimsfaraldri sem gæti tekið við af COVID-19 hysteríunni.

Verðmæti hlutabréfa lyfjarisanna sem gerðu tilraunabóluefnin við COVID-19 hafa einnig verið að lækka. Hér má sjá hlutabréfaþróun Moderna, en forstjóri fyrirtækisins hefur nýlega kvartað undan lélegri eftirspurn og sagt að fjöldi skammta væru á leið á ruslahaugana.

Virðist sem ætlun auðkýfinganna sem stjórna WHO nú sé m.a. hugsuð til að bjarga lyfjarisunum og hluthöfum þeirra með því að láta ríkisstjórnir heimsins enn og aftur nota skattfé almennings til að kaupa meira af gagnslausu og hættulegu tilraunabóluefnunum.

Hér má heyra framkvæmdastjóra WHO:

One Comment on “Framkvæmdastjóri WHO vill Covid hysteríuna aftur og harmar minnkandi eftirspurn á bóluefni”

Skildu eftir skilaboð