Dr. Kenji Yamamoto, japanskur hjarta- og æðaskurðlæknir, hefur sent bréf til tímaritsins Virology Journal þar sem hann hvetur til þess að COVID-19 örvunabólusetningum verði hætt.
„Í öryggisskyni ætti að hætta frekari örvunarbólusetningum,“ skrifaði Yamamoto sem er virtur skurðlæknir í Japan og vitnaði í þá staðreynd að tengsl séu á milli COVID-19 bóluefna og ónæmisblóðflagnafæðar (VITT), sem hefur í fjölda tilfella verið banvæn.
Yamamoto starfar á Okamura Memorial sjúkrahúsinu í Shizuoka, Japan. Í bréfinu stendur að hann og kollegar hans hafi „staðið andspænis sýkingum sem erfitt sé að ná tökum á,“ þar á meðal eftir opnar hjartaaðgerðir þrátt fyrir nokkurra vikna meðferð með fjölda sýklalyfja.
Samkvæmt Yamamoto sýndu viðkomandi sjúklingar merki þess að vera ónæmisbældir. Hjá sumum sjúklingum reyndust aukaverkanir af völdum bóluefnisins banvænar, segir í bréfinu. Að auki telur Yamamoto að COVID-19 mRNA bóluefnið hafi bælt ónæmiskerfi fjölda sjúklinga.
Það þykir nokkuð sérstakt að hjartaskurðlæknir skuli blanda sér í bólusetningastefnu yfirvalda og enn sérstakara að starfandi læknir skuli setja fram álit sem stangast á við læknisfræðina hverju sinni.
Bóluefnin bæla ónæmiskerfið
Í bréfinu til tímaritsins vitnaði Yamamoto í sænska rannsókn sem greindi frá því að átta til níu mánuðum eftir bólusetningu með tveimur skömmtum væru bólusettu einstaklingar líklegri til að fá COVID-19 en óbólusetti samanburðarhópurinn. Þessi rannsókn gaf einnig til kynna að COVID-19 bóluefnin geti valdið ónæmisbælingu.
Ónæmisröskun af völdum bóluefnisins er enn frekar studd af ísraelskum og indverskum rannsóknum sem sýndu auknar líkur á ristli í kjölfar COVID-bólusetningar. Ísraelska rannsóknin greindi frá áhættuhlutfallinu 1,43 sem þýðir að bólusetning jók hættuna á að fá ristil um 43 prósent.
Yamamoto telur einnig líklegt að bæld ónæmisvirkni sjúklinganna stafi af völdum COVID-19 bólusetningar.
Á sjúkrahúsinu þar sem Dr. Yamamoto starfar eru sjúklingar prófaðir fyrir blóðflagnafæð af völdum heparíns (HIT) fyrir skurðaðgerðir. Heparín er lyf sem almennt er notað til að koma í veg fyrir storknun.
Yamamoto er brugðið þar sem á Okamura Memorial sjúkrahúsinu hefur óvenju margir sjúklingar reynst jákvæðir fyrir HIT frá því að COVID bólusetningur hófust.
VITT er ein af fáum aukaverkunum sem tryggingastofnanir, sem sjá um greiðslu skaðbóta vegna bóluefnanna í ýmsum löndum, hafa viðurkennt að sé af völdum COVID-19 bóluefna. Þó að embættismenn hafi lagt áherslu á að sjúkdómurinn sé „sjaldgæfur“ hefur mikill fjöldi einstaklinga sem fengið hefur sjúkdóminn, látist.
Samkvæmt Yamamoto, hafa læknar á Okamura Memorial sjúkrahúsinu Japan séð nokkrar bylgjur VITT tilfella síðan COVID-19 bólusetningar hófust.
Vegna aukinna líkna á segamyndun, sem og aukningar í sýkingum sökum ónæmisbælingar, segir Yamamoto það mikilvægt að læknar skrái niður bólusetningastöðu áður en þeir framkvæmi skurðaðgerðir. Auk þess hefur hann hvatt til þess að örvunarbólusetningum verði algjörlega hætt.