Í Viðskiptablaðinu 1. ágúst sl. var viðtal við Kára Stefánsson, forstjóra Íslenskrar Erfðagreiningar.
Kári, sem fékk þriðju bólusetninguna í ágúst í fyrra, veiktist af Covid-veirunni í byrjun apríl á þessu ári. Hann segist hafa orðið býsna lasinn í 5-6 daga. „Ég man ekki til þess að hafa orðið svona lasinn áður á ævi minni,“ sagði Kári í samtali við Viðskiptablaðið.
Honum þótti áhugavert að í kjölfar þriðju bólusetningarinnar mældist mótefnatíter hans gegn veirunni um 13.500, sem Kári tekur fram að sé ekki nákvæm mælieining (algjörlega „arbitrary“). Eftir að hann sýktist af veirunni fór títerinn upp í 56.000. „Það að sýkjast af veirunni virðist hafa verið býsna betra búst heldur en bólusetningin,“ bætti Kári við.
Hefði ekki verið rétt að vísindamaðurinn upplýsti um þessar niðurstöður fyrr? Í sumar var farið að bjóða fólki fjórðu sprautuna, burt séð frá því hvort það hefði sýkst af Covid eða ekki, (meirihluti þjóðarinnar hafði sýkst á þeim tíma). Ragnheiður Ósk Erlendsdóttir, framkvæmdastjóri hjúkrunar sagðist í maí sl. endilega vilja gefa fólki fjórðu sprautuna þrátt fyrir að það hefði nýlega sýkst og þá hugsanlega komið með allgott mótefni sbr. sjálfsrannsóknarniðurstöður Kára Stefánssonar.
Feikilega lofandi bóluefni?
Covid sprauturnar þrjár vörðu Kára sem sagt hvorki fyrir smiti né slæmum veikindum. Á sinni löngu ævi hefur Kári aldrei orðið jafn veikur af neinni pest en þeirri er hann hann hafði verið þríbólusettur fyrir. Og svo komst vísindamaðurinn að því að náttúruleg sýking væri mun betri en svokölluð Covid „bóluefni“ veittu.
Í nóvember 2020 sagði Kári að bóluefnið sem var framleitt á mettíma þætti alveg „feikilega lofandi:“
„Þetta bóluefni hefur alltaf þótt feikilega lofandi“ og hefur bóluefnið í 90% tilvika komið í veg fyrir Covid-19-smit í þriðja fasa lyfjaþróunarinnar. Það þykir feikilega góður árangur, betri en árangurinn af flestum inflúensubóluefnum,“ sagði hann.
Ári síðar, í nóvember 2021, sagði Kári í viðtali að honum þætti réttlætanlegt að skylda fólk til að fara í þessar sprautur:
„Mér finnst persónulega eins og það sé drullusokksháttur að láta ekki bólusetja sig. Ekki vegna hagsmuna okkar sem einstaklinga heldur vegna hagsmuna samfélagsins.“
En á þessum tíma var löngu komið fram að sprauturnar vörðu ekki gegn smiti eða veikindum. En Kári hefði kannski orðið enn veikari hefði hann ekki verið búinn að fá þrjá bóluefnaskammta? Þó nokkur fjöldi Íslendinga afþakkaði tilraunaefnin og segir pestina ekki endilega verri en hver önnur pest. Áhugavert væri að fá einhverskonar samanburðarrannsókn í þessu sambandi.
Þórólfur sjaldan orðið svona veikur
Þá kom líka í fréttum í apríl sl. að Þórólfur Guðnason sóttvarnalæknir, einnig þríbólusettur við veirunni, hafi sjaldan orðið svona veikur eins og af Covid.
Þá hafa fleiri Íslendingar lýst slæmum Covid veikindum þrátt fyrir að vera sprautaðir í bak og fyrir, til dæmis hinn ástsæli Ómar Ragnarsson og handboltakonan Ragnheiður Júlíusdóttir sem glímdi við langvarandi heilsuleysi eftir Covid, þrátt fyrir þrjár bólusetningar.
DV sagði frá því um helgina að Sigurður Arnarson, fyrrverandi framhaldsskólakennari og einhver mesti plöntuáhugamaður landsins væri enn veikur, mörgum mánuðum eftir að hafa fengið Covid þrátt fyrir þrjá skammta af Covid bóluefnum. Undir fréttinni á facebook síðu miðilsins segir einnig kona frá því að hún sé búin að vera lengi veik eftir Covid þrátt fyrir þrjár sprautur og glími við ýmsa kvilla þar á meðal slæma sjón.
Hvað stendur í bóluefnasamningum ESB og Pfizer?
Á bls. 53 í bóluefnasamningni framkvæmdarstjórnar ESB og lyfjaframleiðandans Pfizer, sem undirritaður var 20. nóvember 2020, segir:
„Samningsaðilar eru meðvitaðir um að þróun öruggra og virkra bóluefna er afar flókin framkvæmd og líkurnar á að hún misheppnist eru mjög miklar. Þess vegna verða gerðir fyrirframgreiddir kaupsamningar við nokkra leiðandi bóluefnaframleiðendur, til að hámarka líkurnar á að fá a.m.k eitt öruggt bóluefni.“
Erum við að minnsta kosti komin með eitt öruggt bóluefni við Covid og hvað er það?
7 Comments on “Þrísprautaður Kári Stefánsson aldrei orðið jafn veikur og af Covid – „sýking býsna betra búst en bólusetning“”
Nú hef ég fengið covid tvisvar. Í Apríl 2020 og fyrir mánuði síðan, er óbólusettur. Ég var vanur að fá kvefpest einu sinni á ári og lá allraf í viku, í áskrift. Eftir að hafa fengið covid hefur þessi kvefpest ekki látið sjá sig. Ónæmiskerfið hefur kannski fengið svaka boost. Seinna skiptið var verra en fyrra og missti bragð og lyktarskyn, allt kom aftur eftir ca 2 vikur eftir sýkingu.
Vill Kári ennþá koma óbólusettum („drullusokka“) fyrir á afskekktum stað á landinu?
Ég og maðurinn minn eru óbólusett. Fengum covid í apríl. Ég fékk engin einkenni og maðurinn minn fékk smá hita í 3 daga. Enginn eftirköst. En þekki til fólks sem voru þríbólusett sem urðu mjög veik og einn þeirra lenti tvisvar á spítala. Þau segja að þau halda að þau eigi aldrei eftir að ná sér. Eru ennþá mjög slöpp og heilsulaus. Þekkjum nokkur dæmi sem þessi. Einnig vil ég benda á að sonur okkar þekki nokkrar ungar konur sem hafa verið sprautaðar og urðu svo ólettar og allar hafa þær þurft að gangsetja því þær gátu ekki átt náttúrlega þar sem hormónarnir sem eiga að setja fæðinguna í gang losnuðu ekki. Var í fréttum hér í Noregi að mjög margar konur eiga erfitt með fæðingu. Besta ákvörðunin í lífi okkar var að taka ekki þessar sprautur.
„Nammið“ var þá ekkert nammi.
Hér getið lesið ykkur um hvað einn besti og frægasti hjarta læknir í heimi segir um sprauturnar og afleiðingarnar sem þær skapa, það er gjörsamlega búið að hafa okkur af fíflum COVID var gert til að fólk hlypi til að fá sprautu og það meir en eina, kanski að fólk fari að vakna up við hvað er að ske og þann hrylling sem fylgir sprautunum, https://www.americaoutloud.com/the-mccullough-report/?sfw=pass1651946961
True vaccine horror findings https://stateofthenation.co/?p=74085
Ó hvað ég vildi óska að Kári hafi látið sprauta sig. Því miður hef ég litla trú á því. Ég get alla vega huggað mig við það að skaparinn mun sjá til þess að hann fái tilhlíðilega refsingu. Að þessi maður skuli ganga laus er fyrir neðan minn skilning.