Umskurður stúlkna telst ofbeldi en ekki þegar brjóst eru skorin af og kynfærum breytt í typpi?

frettinPistlar2 Comments

Eftir Helgu Birgisdóttur hjúkrunarfræðing:

Ofbeldi er það kallað þegar ungar stúlkur eru umskornar en ekki þegar karlkynshormónum er sprautað í þær, brjóstin skorin af og kynfærunum breytt í einhverslags typpi.

Sama á við um drengi, nema þá er typpinu jafnvel breytt á skondinn hátt í skrýtin leggöng og brjóstapúðum tyllt undir húð. Alveg magnaður gjörningur sem læknar og lyfjafyrirtæki fá vel greitt fyrir. Enn magnaðra er að heilbrigðisstarfsfólk segi ekki múkk við þessu ofbeldi. Fáir vilja jú vera uppnefndir transfóbíistar - nema þá kannski þeir sem eru sjóaðir í uppnefninu samsæriskenningarfólk.

Nánast öll börn og unglingar upplifa vanlíðan og óöryggi í eigin skinni á einhverjum tímapunkti. Þau eru óörugg með sjálfsmynd sína, eru kvíðin, hrædd, einmana og bera sig saman við aðra. Hrífast e.t.v. af hinu kyninu og átta sig ekki á að þau eru samkynhneigð. Þrá samþykki á sér. Þau fá þó lítinn stuðning (sálfræðiþjónusta er t.a.m. oft ekki niðurgreidd - en að skera typpi og brjóst af er í boði (sjúkra)hússins.) En þau fá að upplifa sig mjög sérstök og tilheyra merkilegum hóp, þegar þau trúa heilaþvottinum sem fjölmiðlar o.fl. hafa troðið í þau; að e.t.v. hafi þau fæðst í RÖNGUM LÍKAMA! Nú eiga þau von á betra lífi! Ja, sei sei, stundum fannst mér ég vera strákur á árum áður - OG SHIT HVAÐ ÉG ER HEPPIN AÐ ENGIN UMRÆÐA TÓK UNDIR ÞAÐ. Mér gat liðið eins og strák - en ég ER EKKI strákur; ég er með leg sem ber börn, leggöng sem fæða þau og brjóst sem næra þau. Puttinn á mér er putti - hann er ekki tá. Ef hann væri settur í stað stóru táar þá væri hann ennþá PUTTI.

Nú vill Karolinska sjúkrahúsið byrja á hormónaofbeldi á 12 ára óþroskuðum börnum og kynskiptaaðgerðum á 15 ára börnum ÁN SAMÞYKKIS FORELDRA. Fjöldi fólks hefur séð eftir slíkum breytingum (við skulum ekki kalla þetta kynleiðréttingar) og það er EKKI AFTUR SNÚIÐ, þó læknar segi það. Það hefur reynslan sýnt. Um 40% af þeim sem fara í kynskiptabreytingar fremja sjálfsvíg innan 7 ára, í Bandaríkjunum.

Í myndinni "What is a Woman" er viðtal við föður 13 ára stúlku sem var á leið í kynskiptaaðgerð og var handtekinn (og bíður dóms) fyrir að hringja í hana og reyna að telja henni hughvarf, er hún var á leið í aðgerð á barnasjúkrahúsi sem var sérhæft til slíks ofbeldis. Símtalið var túlkað sem heimilisofbeldi.

Að til séu MÖRG KYN eða EKKERT KYN er nokkuð á skjön við almenna skynsemi. Reglugerð í USA segir að ef barn segist vera dýr þá beri kennara skylda að samþykkja það. Ég er úlfur! Mikið rétt!

Hvaða vitfirring er í gangi? Lyfjameðferð sem fylgir er hættulega heilsuspillandi og líf þessa fólks gæti orðið mun styttra en eðlilegt telst. Reynslan mun leiða það í ljós. Styðjum börnin á heilbrigðan hátt og hættum að samþykkja ofbeldið. Verum á varðbergi með það fræðslu- og skemmtiefni sem haldið er að ungdómnum.

Hvað liggur á?

2 Comments on “Umskurður stúlkna telst ofbeldi en ekki þegar brjóst eru skorin af og kynfærum breytt í typpi?”

  1. Sammála Brynjólfi; afar þörf grein í illa sjúku samfélagi. Takk Fréttin.is fyrir að birta það sem aðrir miðlar þora ekki að birta.

Skildu eftir skilaboð