Eftir Jóhannes Loftsson verkfræðing:
Nú er komin út fyrsta rannsóknin (í preprint) þar sem leitað var að áhrifum Pfizer bóluefnisins á virkni hjarta barna 13-18 ára. Aðferðarfræðin var einföld og gagnsæ: Eftir að hafa mælt grunnástand á degi 0, mættu börnin þrisvar (degi 3, degi 7 og degi 14) í rannsókn þar sem spurt var um einkenni og lífefna-markar fyrir hjartakvillum mældir. 301 barn tók þátt og niðurstaðan er vægast sagt sláandi.
Eitt barn fékk hjartavöðvabólgu og 6 önnur voru með væg eða einkennalausa hjartavöðva- eða gollurshússbólgu. (þ.e. biomarker mælingin var jákvæð). Þriðjungur barnanna (29%) fann fyrir einhverjum einkennum hjartakvilla.
Til að setja þetta í samhengi, þá mundi þetta þýða miðað við þann fjölda barna sem bólusettu sig hér á landi að 80 íslensk börn hafi fengið hjartavöðvabólgu (fæst tilfelli uppgötvuðust) og 560 íslensk börn hafi fegið varanlegan hjartaskaða.
Sjúkdómur sem getur virst mildur í fyrstu, en jafnvel lífshættulegur þegar fram í sækir því mörg ár getur tekið fyrir áhrif skemmdanna að koma fram.
Þegar haft er í huga hversu einföld þessi tilraun tælenska háskólans var í raun, þá hlýtur maður að spyrja af hverju íslensk yfirvöld reyndu ekki að fylgjast með heilsu barnanna sem fengu tilraunaglundrið (sem aðeins var búið að prófa á annað þúsund börnum, af söluaðilanum áður en leyfi fékkst). Svarið liggur augum uppi. Þau vildu ekki vita svarið. „Leitið ekki og þér munið ekki finna“ var nýja mottóið, og síðasta hálmstráið til að réttlæta þennan afleita gjörning, sem hætt er við að verði sár í þjóðarsálinni næstu árin og kannski áratuginn samhliða því að fleiri afleiðingar komi fram.
Það er engin málamiðlun milli lífs og eiturs og því er áframhaldandi vegferð óhugsandi. Það þarf því að segja upp þessari áskrift strax.
Niðurstaðan er tekin saman í töflu sem sjá má hér neðar og yfirfærð í íslensku Covidbólusetningatölfræðina.
Rannsóknina má sjá hér.
