Nýleg gögn fengin úr krufningum styðja tengslin milli COVID mRNA sprautuefnanna og hjartabólgu, frekar en að tengsl séu á milli COVID sýkinga og slíkra skaðlegra áhrifa.
Á sunnudaginn birti vefritið The Daily Skeptic grein þar sen fjallað var um fjölda krufningarrannsókna sem „endurtekið“ staðfesta að COVID-19 mRNA sprautuefnin hafi valdið hjartavöðvabólgu eða gollurshússbólgu, sem aftur leiddi til dauða í tilfellunum sem rannsökuð voru.
Í einni rannsókninni sem birt var 1. ágúst sl. var komist að þeirri niðurstöðu að tveir táningsdrengir hafi látist vegna „hjartavöðvaskaða“ skömmu eftir að hafa fengið mRNA sprautefnið frá Pfizer sem er í samræmi við tvær aðrar rannsóknir sem bentu á hjartavöðvabólgu sem dánarorsök í kjölfar COVID „bólusetningar“ með mRNA sprautuefnum.
Athugun á gögnum frá Evrópu og Bandaríkjunum leiddi einnig í ljós að 0,22% af 13,571 tilkynningum um COVID sprautuefnatengda hjartabólgu voru banvænar.
Mikilvæg staðfesting á skaðsemi sprautuefnanna
Þessar uppgötvanir eru mjög mikilvægar á sama tíma og greint er frá óvenjulega hárri tíðni tilkynninga um hjartavöðvabólgu í kjölfar COVID „bólusetninga“ hjá unglingum.
Til dæmis, leiddi nýleg rannsókn í ljós að um það bil einn af hverjum þremur taílenskum unglingum sem fengið höfðu mRNA COVID sprautuefnið frá Pfizer þjáðist af hjartakvillum eftir „bólusetningu.“
Þetta eru ekki einu staðfestingarnar á skaðsemi sprautuefnanna. Því þess má geta að í byrjun þessa árs tók Dr. Paul Alexander saman á Substack síðu sinni nærri eitt þúsund rannsóknir sem sem sýndu fram á skaða af völdum COVID sprautuefnanna. Um 200 þeirra fundu augljós tengsl milli COVID sprautuefnanna og hjartavöðvabólgu.
Þá muna flestir eftir því að það var vegna hárrar tíðni hjartabólgu í kjölfar mRNA „bólusetningar“ hjá ungu fólki sem Svíþjóð, Finnland og Danmörk gerðu hlé á notkun Moderna COVID-sprautuefnanna á síðasta ári.
Í bandaríska gagnagrunninum um aukaverkanir vegna bóluefna (VAERS) kemur fram að til 19. ágúst sl. höfðu verið komnar 51.722 tilkynningar um hjartavöðvabólgu eftir inndælingu með Pfizer mRNA sprautuefninu, sem er meira en þrír fjórðu þeirra tilvika sem tilkynnt hefur verið um.
Viðvörun sett í upplýsingablöð með mRNA sprautuefnunum
Á síðasta ári bætti Matvæla- og lyfjaeftirlit Bandaríkjanna (FDA) viðvörun við í upplýsingablöð sem fylgja bæði Pfizer og Moderna COVID sprautuefnunum. Í viðvöruninni er bent er á aukna hættu á hjartavöðvabólgu og gollurshússbólgu, sérstaklega eftir seinni skammtinn og upphaf einkenna gætu verið innan fárra daga eftir inndælingu.
Engar vísbendingar um að COVID veiran valdi hjartabólgu
Það skortir vísbendingar um að tengsl séu á milli COVID veirunnar sjálfrar og hjartabólgu, samkvæmt nýlegum rannsóknum, eins og þessari frá Ísrael, þar á meðal krufningarrannsóknum sem lesa má um hér.
Sumir vísindamenn komust til dæmis að því að „engar augljósar meinafræðilegar niðurstöður sem rekja mætti til SARS-CoV-2 sýkinga væru þekktar utan lungna“ og að „utan öndunarvegar valdi SARS-CoV-2 sýking ekki einhverjum meiriháttar meinum ... í banvænum tilfellum.“