Athygli hefur vakið að Viljinn vefmiðill sem rekinn er af Birni Inga Hrafnssyni hefur ekki verið virkur í einhverja mánuði. Síðasta frétt Björns Inga er skrifuð þann 23. júní síðastliðinn, en nú hefur Björn Ingi breytt dagsetningum á fréttum í tímasetningar.
Fréttin sendi fyrirspurn til Björns snemma í síðustu viku og spurði hvort miðilinn væri hættur en því hefur ekki verið svarað.
Björn Ingi lét mikið til sín taka á miðlinum í Covid faraldrinum, var duglegur að mæta á upplýsingafundi Almannavarna og skrifaði meira að segja bókina Vörn gegn veiru um fárið og lét sitt ekki eftir liggja í trúnaði við svokölluð bóluefni. Ein af síðustu greinum Björns á Viljanum frá því í júní ber yfirskriftina „Kamilla vill einbeita sér að bólusetningum“.
Óheppilegt þótti hins vegar að þrátt fyrir að „Covid-sérfræðingurinn“ Björn Ingi hafi verið búinn að skrifa heila bók um kórunuveiruna, taldi hann að bóluefnum væri sprautað í æð, samkvæmt færslu sem hann skrifaði á facebook vegg sinn. En Kári Stefánsson var þá fljótur að leiðrétta Björn, og skrifaði Björn:
„Síminn hringir. Kári Stefánsson er á línunni: „Björn Ingi, ég las statusinn þinn. Það er ekki rétt að bóluefninu sé dælt í æð. Því er dælt inn í vöðvann.“[Kári] Ætlar þó að horfa fram hjá þessari yfirsjón blaðamannsins og lofar að halda áfram með Þórólfi að ýta á eftir meira bóluefni. „Heyri í þér!“ Þar með er skellt á. Svona menn lífga upp á tilveruna.“
Björn Ingi skrifaði jafnframt langan pistil sem svar við grein Arnar Þórs Jónssonar lögmanns þar sem Arnar varar við bólusetningum barna og ber pistill Björns yfirskriftina: „Arnar Þór, viltu láta börnin í friði.“ En þar ítrekar Björn Ingi trú sína á „bóluefninu“ og taldi það fyrir bestu að sprauta börnin með Covid tilraunaefnum, og fara skuli eftir ráðleggingum Þórólfs og Ölmu hvað það varðar.
Hins vegar hefur nú komið í ljós að sprautuefnin eru ekki talin æskileg fyrir börn og hafa hjartavandamál aukist á meðal barna eftir sprautuherferðina. Hafa nokkur lönd, þar á meðal Bretland, því dregið bólusetningar barna til baka og segir Danmörk nú að Omicron sé ekki hættulegt börnum. Danmörk hefu reyndar gefið út að þeir muni ekki sprauta 50 ára og yngri. Þá hafa Svíar einnig mælt gegn bólusetningunum barna.
Mörgum brá í brún þegar að tekjublaðið kom út í ár, en þar kom fram að Björn Ingi hafi verið með um 4.5 milljónir í mánaðartekjur á síðasta ári og svipaðar tekjur árið á undan. Ljóst er að ekki getur jafn lítill miðill gefið af sé svo góðar tekjur en Björn er einn starfandi á miðlinum og fékk hann þar af leiðandi engan fjölmiðlastyrk frá ríkinu heldur. Spyrja menn sig að því hvort bók Björns Inga hafi slegið svo í gegn, en samkvæmt heimildum fréttarinnar þá gekk salan ekki sérlega vel, og situr þá eftir spurningin, fyrir hvað og frá hverjum fær Björn Ingi sín ofurlaun? En Björn Ingi hefur heldur ekki viljað greina frá því.
Björn Ingi var jafnframt úrskurðaður gjaldþrota í febrúar síðastliðnum og spyrja má hvernig Björn Ingi komst í þann flokk að vera hátekjumaður með mun hærri laun en forsætisráðherra og forseti landsins, verandi gjaldþrota og reka eins manns fjölmiðil.
Þá skákaði Björn Ingi einnig fremstu fjölmiðlamönnum landsins þegar kemur að launum eins og sjá má á listanum hér neðar:
Tíu tekjuhæsta fjölmiðlafólkið:
- Davíð Oddsson, ritstjóri Mbl - 5,7 milljónir króna
- Björn Ingi Hrafnsson, ritstjóri á Viljanum - 4,5 milljónir
- Haraldur Johannessen, frkvstj. Árvakurs - 3,4 milljónir
- Logi Bergmann Eiðsson, fv. fréttam. Árvakurs - 2,9 milljónir
- Þórhallur Gunnarsson, frkvstj. miðla Sýnar - 2,3 milljónir
- Lára Ómarsdóttir, uppl.fulltr. Aztiq og fv. fréttak. RÚV - 2,2 milljónir
- Bogi Ágústsson, fréttam. RÚV - 2,1 milljón
- Guðmundur Benediktsson, íþróttafréttam. - 1,9 milljónir
- Sölvi Tryggvason, blaðamaður - 1,7 milljónir
- Þóra Kristín Ásgeirsdóttir, uppl.ftr. Íslenskrar erfðagr. - 1,7 milljónir