Hvað er að frétta á RÚV og Veðurstofu Íslands?

frettinInnlent, Pistlar2 Comments

Athygli hefur vakið nú í sumar að Veðurstofa Íslands hefur síendurtekið litað veðurkortin eldrauð rétt eins og allt sé á suðupunkti og þrátt fyrir að hiti væri við frostmark. Þessari breytingar vekja undrun og þykir mörgum hægt að greina þarna misvísandi áróður að því er virðist til að blekkja fólk eða jafnvel til að undirstrika meinta hnattræna hlýnun af mannavöldum.

Á vef ríkisfjölmiðilins RÚV  „allra landsmanna" segir að óvenju fáir hlýir dagar hafa verið í sumar. Þetta kemur fram í nýrri samantekt Veðurstofu Íslands. Mesti hiti á landinu þetta sumarið mældist á þriðjudag á Norðausturlandi, en þá fór hiti í 25 stig á veðurstöðinni á Mánárbakka á Tjörnesi. Það er fremur sjaldgæft að hæsti hiti á árinu mælist svo síðla sumars.

Á mannaðri veðurstöð í Reykjavík mældist hæsti hiti sumarsins 20. júní, en það voru þó aðeins tæpar átján gráður. Hámarkshiti hefur ekki mælst lægri að sumri í Reykjavík síðan 2001, eða í um tuttugu ár.

Í frétt RÚV um veðurspánna er að finna kortið eldrauða sem Veðurstofa Íslands hefur verið dugleg að birta í sumar, á sama tíma og landsmenn hafa ekki upplifað kaldara sumar í áratugi, hvað veldur þessum öfgum eða breytingum á veðurkortunum síðustu misserin spyrja margir sig að?

Þetta kort er að finna á veðurstofu Íslands fyrir daginn í dag, sem þótti fremur svalur, hæsti hiti sem mælist var 12 gráður, en kortið er litað eins og allt sé á suðupunkti.

Til samanburðar má sjá kort frá sömu veðurstofu síðan 2019 en þar var hitinn sambærilegur og heitari en í dag, en þá er kortið öllu eðlilegra útlits.

Efsta myndin sýnir svo veðurspánna á laugardaginn, en þar er kortið orðið enn rauðara en hámarkshiti sem spáð var þann dag er 15 gráður.

Hvað er að frétta á RÚV og Veðurstofu Íslands?

2 Comments on “Hvað er að frétta á RÚV og Veðurstofu Íslands?”

  1. Er þetta ekki einkennislitur kommúnista?

    Reyndar eru þeir dulbúnir í dag sveipaðir grænni kápu ímyndaðra dyggða.

Skildu eftir skilaboð