Matt Le Tissier vill vita hvers vegna ungt íþróttafólk er að hníga niður

thordis@frettin.isErlent, ÍþróttirLeave a Comment

Fyrrum enska knattspyrnustjarnan, Matt Le Tissier, harmaði það í síðustu viku að enginn skuli veita skyndilegri aukningu á veikindum og dauðsföllum íþróttamanna athygli eftir að COVID bólusetningar fóru af stað.

Le Tissier ræddi við Mark Steyn á GBNews síðastliðinn fimmtudag um að skortur á rannsóknum á skyndilegri aukningu dauðsfalla ungra íþróttamanna væri hneyksli og það sem hann kallar „normaliseringu“ fjölmiðla á ástandinu.

„Ég hef séð svo margt fólk, svo mörg atvik þar sem ungt og heilbrigt íþróttafólk hnígur niður á leikvellinum,“ sagði Le Tissier við Steyn. „Og það er bara ekki eðlilegt, en samt virðast fjölmiðlar láta þetta líta út sem eitthvað eðlilegt fyrirbæri, og enginn virðist veita þessari miklu aukningu athygli. Það að stjórnendur sem hafa umsjón með þessum íþróttum taki ekki eftir þessu eða kalli ekki eftir rannsóknum finnst mér algjört hneyksli.“

„Ég hef verið að reyna og vonandi fæ ég fund bráðlega með stjórnaraðilum innan fótboltans til að leggja fram sönnunargögn og sýna þeim hvað er að gerast, því þeir virðast ekki vilja rannsaka það sjálfir og mér finnst það glæpsamlegt,“ sagði Le Tissier að lokum.

Á síðasta ári varð skyndileg aukning í hjartaáföllum og veikindum hjá tugum íþróttamanna úr mörgum íþróttagreinum. Sérfræðingar eins og fyrrverandi varaforseti Pfizer, Dr. Michael Yeadon, hafa tengt skyndileg veikindi við bóluefnin.

Reyndar viðurkenndi Sóttvarnarstofnun Bandaríkjanna (CDC) í júní 2021, að fylgni væri milli hjartavöðvabólgu og mRNA-COVID bóluefna, og lýsti því yfir að „líklegt samband“ væri þarna á milli.

Le Tissier hefur áður lýst yfir áhyggjum sínum á skyndilegum veikindum í íþróttum í tengslum við bóluefnin.

Í nóvember sl. eftir að enski knattspyrnumaðurinn John Fleck hneig niður í leik, var slökkt á útsendingu með fyrrum ensku knattspyrnustjörnunni Trevor Sinclair, þegar hann sagði að fólk væri að spyrja að því hvort veikindi Flecks gætu tengst bóluefninu.

Eftir að Fleck hneig niður á vellinum kallaði Le Tissier eftir rannsókn á Twitter á mögulegum tengslum bóluefnisins á skyndilegri aukningu á hjartaáföllum og veikindum íþróttafólks.

Le Tissier spurði síðan aftur í desember hvort tengsl væru á milli bóluefnanna og skyndilegra veikinda íþróttamanna eftir að þrír íþróttamenn til viðbótar veiktust í leikjum. Le Tissier var í viðtali hjá Oracle Films í febrúar þar sem hann ræddi skyndilega fjölgun hjartaáfalla og veikinda í íþróttum sem mögulega afleiðingu bólusetninganna.

Nýleg krufningargögn úr mörgum rannsóknum sýndu fram á tengsl milli hjartavöðvabólgu og COVID bóluefna, og rannsókn frá CDC sem birt var í febrúar í læknatímaritinu JAMA leiddi í ljós að hættan á hjartavöðvabólgu hjá karlkyns ungmennum væri 133 sinnum meiri eftir að hafa fengið Pfizer bóluefnið.

FDA hefu nú samþykkt umsóknir frá Pfizer og Moderna um neyðarleyfi (EUA) á notkun á nýju örvunarbóluefni sem á að berjast gegn Omicron afbrigðinu. Gögnin sem fyrir liggja byggja á gögnum frá núverandi bóluefnum (upprunalegu útgáfunni) og rannsóknum á átta músum.

Viðtalið má sjá hér neiðar og fréttina með tilvísunum má lesa hér.


Skildu eftir skilaboð