Þóra hringdi í byrlara Páls skipstjóra

thordis@frettin.isPáll Vilhjálmsson, Pistlar2 Comments

Eftir Pál Vilhjálmsson kennara og blaðamann:

Kona, nákomin Páli skipstjóra Steingrímssyni, byrlaði honum og stal síma hans 3. maí í fyrra. Konan stríðir við andlega vanheilsu. Hún afhenti blaðamanni RSK-miðla síma skipstjórans til afritunar samkvæmt fyrirfram ákveðnu skipulagi. Eftir gagnastuldinn var símanum komið fyrir á sjúkrabeð Páls, sem var á gjörgæslu.

Lögreglan hóf rannsókn málsins 14. maí í fyrra, eftir kæru Páls skipstjóra.

Fyrsta yfirheyrslan yfir konunni fór fram 5. október.

Tveim klukkustundum fyrir yfirheyrsluna hringdi Þóra Arnórsdóttir ritstjóri hjá RÚV í veiku konuna, sennilega ekki til að vita hvernig henni liði.

Gögn lögreglu sýna yfir 20 símtöl Þóru og byrlara Páls skipstjóra á tímabilinu sem yfirheyrslur fóru fram yfir fimm sakborningum.

Líklega voru ræddar uppskriftir - þó ekki þær sem kenndar eru við kökur.

RSK-miðlar, RÚV, Stundin og Kjarninn, reyndu frá ágúst að búa til samræmda frásögn um það sem gerðist í apríl og byrjun maí í fyrra þegar atlagan að Páli skipstjóra var skipulögð og framkvæmd. Ekki undir neinum kringumstæðum mátti hið sanna koma í ljós. Litla-Hraun og Hólmsheiði eru ekki skemmtilegir áfangastaðir.

Lögreglan hlustaði.

2 Comments on “Þóra hringdi í byrlara Páls skipstjóra”

  1. Hvaða sannanir hafið þið fyrir því að Þóra hafi verið að ræða byrlanir? Hvers vegna sleppir Fréttin.is að ræða þá saknæmu upplýsingar sem reyndust vera í símanum hjá leppi Samherja? Mynduð þið bregðast eins við ef einhver að þeim sem þið ásakið væri byrlað og sannanir um samsæriskenningarnar ykkar væru í síma þess aðila? Er Samherji kannski orðinn styrktaraðili hjá ykkur? Eða eruð þið bara uppfull af þeirri hræsni sem þið sakið aðra um?

Skildu eftir skilaboð