Byrlari, blaðamenn og drullusokkurinn Seljan

frettinPáll Vilhjálmsson, Pistlar1 Comment

Eftir Pál Vilhjálmsson kennara og blaðamann:

Eftir að sími Páls skipstjóra komst í þjófahendur aðfaranótt 4. maí 2021 voru send sms-skilaboð til vinar skipstjórans.

Á meðan Páll skipstjóri var meðvitundarlaus á gjörgæslu kom tilboð úr síma hans um partí með skipstjóranum.

Viðtakandinn var mátulega tilkippilegur. Þá kom þetta svar úr síma skipstjórans:

Tökum bara ekki Seljan á þetta, þann drullusokk.

Annað tveggja sendi byrlarinn þessi skilaboð úr síma skipstjórans eða blaðamenn RSK-miðla. Aðrir koma ekki til greina. Meðvitundarlaus í öndunarvél var skipstjórinn ekki í standi að senda sms-skilaboð um menn sem honum annars kunna að vera hugleiknir.

Tilgangur byrlara/blaðamanns að þykjast Páll skipstjóri var bersýnilega sá að veiða upplýsingar frá viðtakanda sem grunlaus hélt sig vera í samskiptum við eiganda símans. Það þarf einbeittan brotavilja og töluvert samviskuleysi - nú, eða andleg veikindi - til að taka á sig persónu manns sem liggur meðvitundarlaus milli heims og helju.

Hvort það var byrlarinn, sem þóttist Páll skipstjóri og hæddist að Seljan, eða blaðamennirnir sjálfir er opin spurning.

Lögregluskýrslur eiga það til að upplýsa innræti fólks.

One Comment on “Byrlari, blaðamenn og drullusokkurinn Seljan”

  1. Fer þessari munnræpu um þessa fjölskyldutragedíu ekki að linna?

    Þessi búnki af greinum sem Palli kennari hefur sent inn á þennan miðil, er áróður og á ekkert skylt við blaðamennsku. Það er ósmekklegt að velta sér upp úr því að vanheil Kona Palla skipstjóra hafi stolið af honum síma og komið í hendur á blaðamönnum, sem svo notuðu innihaldið til að koma upp um skæruliðadeild Samherja. Fyrir þá sem ekki vita er skæruliðadeildin heill her af fólki, sem dreifir áróðri Samherja um hin ýmsu mál, eins og þetta.

    Engar nýjar upplýsingar koma fram í þessum pistli eða síðust 20 pistlum Palla um málið.

    Það væri áhugavert að sjá greinar og upplýsingar um rannsóknir á mútum og öðrum glæpum Samherja, hvar eru þær?

Skildu eftir skilaboð