Myndbandsupptöku sem lekið hefur verið leiðir í ljós að vísindamenn hafi í júní kynnt ísraelska heilbrigðisráðuneytinu gögn sem sýna alvarlegar og langtíma aukaverkanir tengdar COVID-19 bóluefninu frá Pfizer.
Samt sem áður kynnti heilbrigðisráðuneytið ekki niðurstöður vísindamannanna fyrir sérfræðinefndinni sem hittist síðar í júní mánuðinum til að ákveða hvort mæla ætti með bóluefninu fyrir börn yngri en 5 ára, og ekki heldur voru gögnin kynnt fyrir leiðtogum Ísraels sem eru yfir COVID-19 bólusetningaráætluninni.
Að auki gaf ráðuneytið út skýrslu 2. ágúst sl. um aukaverkanir í kjölfar Pfizer COVID-19 bólusetninga frá 9. desember 2021 til 31. maí 2022, sem stangaðist á við gögnin sem kynnt voru á fundinum í byrjun júní.
„Reyndar stangast skýrslan algjörlega á við það sem kom fram í þessari umræðu,“ sagði Dr. Retsef Levi, prófessor við MIT háskólann í Bandaríkjunum, og meðlimur í ísraelska neyðarráðinu vegna Covid-19 faraldursins, við fréttastöðin GB News 21. ágúst sl.
Dr. Yaffa Shir-Raz fræðimaður í samskiptum um heilbrigðismál við Reichman háskólann í Herzliya, Ísrael, þýddi fundinn frá því í júní, úr hebresku yfir á ensku.
Enska þýðingin sýnir að rannsóknarteymið varaði embættismenn heilbrigðisráðuneytisins við því að þeir ættu að íhuga vandlega hvernig eigi að kynna niðurstöður vísindamannanna fyrir almenningi vegna þess að þær hefðu mögulega lagalega áhættu í för með sér, þar sem niðurstöðurnar stönguðust á við fullyrðingar heilbrigðisráðuneytisins um að alvarlegar aukaverkanir væru sjaldgæfar og entust stutt.
Dr. Shir-Raz skrifaði á Twitter þann 1. september sl. (sja neðar) útdrátt úr fundinum sem var tekinn upp þar sem rannsóknarteymið varaði yfirmenn heilbrigðisráðuneytisins við því að þeir yrðu að íhuga þessar lagalegu afleiðingar vegna niðurstaðna teymisins.
Samkvæmt myndbandsupptökunni upplýstu vísindamennirnir embættismenn heilbrigðisráðuneytisins um fjölda tilkynninga um alvarlegar og langtíma aukaverkanir af Pfizer bóluefninu, þar á meðal aukaverkanir sem Pfizer skráir ekki á fylgiseðilinn, svo sem aukaverkanir í tengslum við meltingarveginn, sérstaklega kviðarholið og einnig bakverki hjá börnum.
Að auki sagði Dr. Retsef Levi við fréttastöðina GB News:
„Á þeim hluta eyðublaðsins, þar sem sjúklingar gátu tilkynnt hvað sem þeir vildu, tóku rannsakendur eftir því að margar tilkynningar tengdust taugakerfinu, sem sumar höfðu ekki verið skráðar af Pfizer sem aukaverkun af bóluefninu.”
„Rannsóknarteymið lagði ítrekað áherslu á meðan á umræðunni stóð að niðurstöður þeirra bentu til þess að andstætt því sem okkur hefur verið sagt hingað til, þá eru í mörgum tilfellum um að ræða alvarlegar og langvarandi aukaverkanir.“
„Tilkynntar aukaverkanirnar innihéldu m.a. óreglulegar tíðarblæðingar, ýmsar aukaverkanir tengdar taugakerfi og vöðvum, meltingarfærum, nýrum og þvagkerfinu, sagði Dr. Shir-Raz.“
Rannsóknarteymið upplýsti embættismenn heilbrigðisráðuneytisns um að niðurstöður þeirra stönguðust á við fyrri skilaboð ráðuneytisins um að bóluefnið væri öruggt og aukaverkanir væru bæði sjaldgæfar og skammvinnar.
Í 50% tilkynninganna vöruðu aukaverkanirnar lengur en sex mánuði, samkvæmt enska textanum í myndbandsupptökunni.
Enn sem komið er, er það aðeins fréttastöðin GB News, með leyfi þáttastjórnandans Neil Oliver, sem hefur fjallað um þetta reginhneyksli í ísraelska heilbrigðisráðuneytinu, þ.e.a.s að ráðuneytið skuli hylma yfir alvarlegar og langvarandi aukaverkanir Pfizer bóluefnisins.