Bandarískir lyfjaeftirlitsaðilar neita að leggja fram lykilgreiningar á öryggisgagnagrunni fyrir COVID-19 bóluefnin og halda því fram að ekki sé hægt að aðskilja niðurstöðurnar frá innherjaupplýsingum sem verndaðar er með lögum.

Fjölmiðillinn Epoch Times bað Matvæla- og lyfjaeftirlit Bandaríkjanna (FDA) í júlí um allar greiningar sem stofnunin hefur framkvæmt fyrir COVID-19 bóluefnin með aðferð sem kallast á ensku Empirical Bayesian data mining og felur í sér að bera saman aukaverkanir sem skráðar eru eftir COVID-19 bólusetningar við aukaverkanir af annars konar bóluefnum.

Samkvæmt verklagsreglum sem stofnunin og samstarfsaðili hennar settu fram í janúar 2021 og febrúar 2022, myndi FDA framkvæma gagnanám á að minnsta kosti tveggja vikna fresti, til að greina aukaverkanir vegna Covid-19 bóluefnanna sem tilkynntar voru til stofnunarinnar, en þær eru margfalt fleiri en búist var við í upphafi. Stofnunin myndi framkvæma gagnanámið úr VAERS sem er gagnagrunnur og tilkynningakerfi fyrir aukaverkanir og er í umsjá Sóttvarnarstofnunar Bandaríkjanna (CDC).

Í nýlegu svari sagði skjalaskrifstofa FDA við The Epoch Times að hún myndi ekki afhenda neina af greiningunum, ekki heldur í rituðu formi.

Stofnunin vitnaði í undanþágu frá lögum um upplýsingaskyldu ríkisstofnanna sem gerir stjórnvöldum kleift að halda eftir minnisblöðum og bréfum milli stofnana og stofnana „sem ekki væru aðgengileg samkvæmt lögum öðrum en þeim sem eru í málaferlum við stofnunina.“

Stofnunin benti einnig á alríkisreglugerð, sem segir að „öllum samskiptum innan framkvæmdadeildar alríkisstjórnarinnar, sem eru á skriflegu formi eða sem eru síðar skrifuð, má undanskilja frá opinberri birtingu, nema í undantekningartilvikum.

Það er því ekki alveg ljóst hvers vegna FDA neitar að afhenda afrit af greiningunum og spyrja menn sig að því hvað verið sé að fela. Epoch Times hefur áfrýjað ákvörðun skjalaskrifstofunnar. FDA neitar að tjá sig um málið og vísar í áfrýjunina.

Óásættanlegt

Kim Witczak, stofnandi Woodymatters sem er sjálfseignarstofnun og talar fyrir öflugra FDA og lyfjaöryggiskerfi, sagði það óásættanlegt að stofnunin skyldi neita að afhenda greiningarnar.

„Leyndin er óviðunandi fyrir stofnun sem gefur sig út fyrir að fylgja reglum um gagnsæi gagnvart almenningi um öryggi bóluefna,“ sagði Witczak, sem situr í einni af utanaðkomandi ráðgjafanefndum FDA, við The Epoch Times.

„Hver er tilgangurinn með því að halda úti VAERS gagnagrunninum ef það má ekki veita upplýsingar úr honum til almennings?“ bætti hún við.

Witczak sagði að öryggi bóluefnanna væru á gráu svæði vegna nýlegrar rannsóknar frá Dr. Joseph Fraiman og fleiri sérfræðingum  sem fundu hærri tíðni alvarlegra aukaverkana hjá bólusettum þátttakendum í upprunalegu Pfizer og Moderna rannsóknunum en hjá þeim sem fengu lyfleysu.

Hún benti einnig á að upplýsingar FDA frá 2004 um þunglyndislyf og að lyfin gætu aukið hættuna á sjálfsvígshugsunum, hafi ekki verið gerðar opinberar fyrr en 10 árum eftir rannsóknirnar voru framkvæmdar.

„Ef þessi gögn eru tiltæk, skammast ykkar þá fyrir að halda þeim frá almenningi,“ sagði Witczak. „Það er eins og þið treystið ekki fólkinu til að taka sínar eigin ákvarðanir um hvað sé gott fyrir það og fjölskyldur þeirra.

Sóttvarnarstofnun Bandaríkjanna

Sóttvarnarstofnun Bandaríkjanna (CDC), ætlaði að framkvæma aðra tegund af gagnavinnslugreiningu sem kallast hlutfallslegt tilkynningahlutfall (Proportional Reporting Ratio) sem einnig hefur ekki verið greint frá.

CDC hefur einnig neitað, hingað til, að veita niðurstöður fyrir þessar greiningar. Stofnunin hefur þar að auki tvisvar gefið rangar upplýsingar í svari við fyrirspurnum.

CDC sagði upphaflega að engar PRR greiningar væru gerðar og að gagnavinnsla væri „utan sviðs stofnunarinnar. Stofnunin sagði einnig að hún hefði framkvæmt PRR greiningar frá og með febrúar 2021.

Seinna viðurkenndi CDC að það væri ekki satt. Stofnunin byrjaði ekki að framkvæma PRR greiningar fyrr en í mars 2022, segir talsmaður The Epoch Times.

Roger Andoh, skjalavörður veitti fyrsta svarið og vitnaði í bólusetningar- og öryggisskrifstofu CDC. Dr. John Su, embættismaður CDC, veitti síðara svarið. Enn er óljóst frá hverjum upplýsingarnar eru upprunnar.

Epoch Times hefur lagt fram beiðni á grundvelli upplýsinglaga um tölvupóstsamskipti sem gæti veitt frekari svör.

Meira um málið er hægt að lesa á Epoch Times