Fíllinn í stofunni: 55,8% um­framdauðsföll í júlímánuði

frettinÞórdís B. Sigurþórsdóttir1 Comment

Morgunblaðið segir frá því í dag að Evr­ópska hag­stof­an Eurostat hafi upplýst að um­framdauðsföll á Íslandi í júlí sl. hafi verið 55,8% um­fram meðal­fjölda and­láta á mánuði á ár­un­um 2016-2019.

Ann­ar topp­ur var í mars sl. þegar um­framdauðsföll voru 53,4%. Um­framdauðsföll er mæli­kv­arði á óvenju­lega fjölg­un and­láta á tilteknu tíma­bili í til­tekn­um hópi. Alls höfðu 213 lát­ist hér á landi 30. ág­úst sl af völd­um Covid-19, segir á vefn­um covid.is. Ekki kemur fram á síðunni hversu margir hafa látist á þessu ári eða á mánuði, heldur sýnir taflan aðeins andlát frá upphafi.

Samkvæmt svari frá Maríönnu Þórðardóttur hjá landlæknisembættinu í lok maí sl. lést 31 á árinu 2020 af Covid, árið 2021 létust 8 og 114 á árinu 2022. 10 af 153 voru erlendir ríkisborgarar. Þessar tölur hafa síðan verið uppfærðar eftir yfirferð dánarvottorða. 152 af þeim sem hafa látist af Covid frá upphafi eru 80 ára og eldri. Í þeim aldurshópi hafa nánast allir fengið Covid sprautur samkvæmt covid.is og því mætti spyrja hvers vegna svo margir á þessum aldri hafi dáið vegna Covid. 

Fíllinn á skrifstofunni hjá landlæknisembættinu og helstu fjölmiðlum

Í frétt Morgunblaðsins kemur fram að Guðrún Asp­e­lund sótt­varna­lækn­ir seg­i erfitt að segja ná­kvæm­lega til um ástæður þessa. Hún vís­ar í frétt sótt­varna­lækn­is frá 29. ág­úst (landla­ekn­ir.is) þar sem seg­ir m.a. að hugs­an­lega hafi sótt­varn­ir og hliðrun á dauðsföll­um haft hér áhrif.

Með öðrum orðum, sóttvarnalæknir veit ekki hvað veldur eða þykist ekki vita eða má ekki nefna það enda eru læknar eða heilbrigðisstarfsfólk sem tala um skaða eða dauða af völdum svokallaðra Covid bóluefna teknir úr umferð.

Byrjað var að gefa eldra fólki fjórðu sprautuna í júní ef það gæti skýrt eitthvað. Sóttvarnalæknir hvatti 80 ára og eldri að þiggja sprautuna 23. júní sl. Metfjöldi dauðsfalla er í síðan í júlí.

Andlát sem skrifuð eru á Covid dauðsföll, með eða vegna Covid, útskýra ekki umframdauðsföllin, það gætu aftur á móti Covid sprauturnar gert. Frá því að byrjað var að gefa fólki mRNA Covid bóluefni í fyrsta sinn um áramótin 2020/2021 fór að bera á umframdauðsföllum. Þessi tegund bóluefna hefur ekki verið notuð á mannfólki áður en samkvæmt bandaríska lækninum Elizabeth Lee Vliet ættu læknar að hafa vitað um skaðsemi þeirra samkvæmt gögnum og rannsóknum síðustu 15 ára.

Þá hafa vísindamenn úr Harvard, John Hopkins háskólanum og fleiri háskólum nú birt rannsókn um að þessi bóluefni séu nánast 100 sinnum hættulegri en sjálf kórónuveirann. Um það má lesa hér.

50,86% aukning hjá 50-54 ára

Samkvæmt tölum Hagstofunnar var 50,86% aukning andláta í aldurshópnum 50-54 ára á fyrstu 26 vikum ársins miðað við meðaltal fyrstu 26 vikna síðustu ára. Næst mesta aukningin á tímabilinu er hjá 75-79 ára, eða 44,16%.

Tölur Hagstofunnar sýna að 235 umframdauðsföll voru í hópnum 50 ára og eldri á fyrstu 6 mánuðum ársins 2022 miðað við meðaltal fyrstu 6 mánuði áranna 2017-2021, sem er 21.44% aukning. Covid andlát sem eru frá upphafi faraldurs alls 231 og eru aðallega hjá 80 ára og eldri útskýra augljóslega ekki þessi umframdauðsföll.

Þróunin sú sama í mikið bólusettum löndum

Síðustu helgi lýstu um 400 læknar, vísindamenn og sérfræðingar yfir alþjóðlegri heilsufarskrísu vegna sjúkdóma og dauðsfalla í tengslum við „COVID-19 bóluefnin“.

Um var að ræða lækna víðsvegar að frá Indlandi sem hittust á fjarfundi með öðrum læknum frá 34 löndum til að undirrita yfirlýsinguna.

Yfirlýsingin sem gefin var út á blaðamannafundi laugardaginn 10. september, segir: „Við erum núna að verða vitni að of hárri dánartíðni í þeim löndum þar sem meirihluti íbúanna hefur fengið svokölluð „COVID-19 bóluefni“. Hingað til hefur þessi umframdánartíðni hvorki verið nægjanlega rannsökuð né skoðuð af innlendum og alþjóðlegum heilbrigðisstofnunum.“

„Mikill fjöldi skyndilegra dauðsfalla hjá áður heilbrigðu ungu fólki sem var sprautað með þessum „bóluefnum“ er sérstakt áhyggjuefni, sem og há tíðni fósturláta og burðarmálsdauða sem ekki hefur verið rannsakað.„

„Tilkynnt hefur verið opinberlega um mikinn fjölda aukaverkana, þar á meðal sjúkrahúsinnlagnir, varanlega fötlun og dauðsföll sem tengjast svokölluðum „COVID-19 bóluefnum“. Þessar tölur eiga sér engin fordæmi í bólusetningasögu heimsins“, segir í yfirlýsingu læknanna.

80% aukning í andvana fæðingum og 100% aukning dauða barna á fyrsta aldursári

Árið 2021 hvöttu heilbrigðisyfirvöld hér á landi þungaðar konur og mæður með börn á brjósti til að fara í Covid sprautur. Hvað gerðist það árið?

Aukning á burðarmálsdauða var 82% á árinu 2021 miðað við meðaltal síðustu níu ára þar á undan. (Burðarmálsdauði er samtala andvana fæddra og barna sem deyja innan viku frá fæðingu af 1.000 fæddum alls.)

Í breskri skýrslu frá árinu 2018, segir að andvana fæðingar í Evrópu séu á bilinu 2.3 per þúsund lifandi fæddra barna á Kýpur, Íslandi, Danmörku, Finnlandi og Hollandi og til 3.4 eða meira í Lettlandi, Írlandi, Rúmeníu, Slóvakíu, Ungverjalandi og Búlgaríu.

Á árinu 2021 er Ísland því á sama róli og síðarnefndu þjóðirnar. Á árunum 2011 - 2020 var fjöldi andvana fæðinga per 1000 lifandi fæðinga hér á landi á bilinu 0,9 - 2,5. Fyrir árið 2021 er talan 3,5.

Talan yfir fjölda dána á fyrsta aldursári jókst einnig á síðasta ári um 100% miðað við meðaltal síðustu níu ára þar á undan. Um þetta er hægt að lesa nánar hér.

Bráðkvaddir

Þeir sem fylgjast með fréttum, andlátstilkynningum og minningargreinum, ættu að hafa orðið varir við aukinn fjölda ungra og miðaldara Íslendinga (ótímabær dauðsföll) sem eru bráðkvaddir þessa dagana. Hvernig ætlar landlæknisembættið að skýra það?

One Comment on “Fíllinn í stofunni: 55,8% um­framdauðsföll í júlímánuði”

  1. Þetta ætti að vera frétt fréttanna á Íslandi þessi misserin.

Skildu eftir skilaboð